Pagpanghatag hinabang gidili sa mga kandidato

Higpit karon nga gipanid-an sa buhatan sa Commission on Election (Comelec) nga mosalmot ang mga kandidato sa barangay election sa pagpanghatag og hinabang ngadto sa mga biktima sa Bohol.

Matud pa nga gipaniguro karon sa buhatan sa  Commission on Election (Comelec) nga dili makasalmot ang mga politiko sa pagpang-apud-apod sa mga hinabang ngadto sa mga biktima sa linog ilabi na gayod didto sa lalawigan sa Bohol.

Sa press briefing nga gipahigayon sa Comelec maoy gipadayag ni Comelec  Chairman Sixto Brillantes Jr. iyang gipahimangnoan ang tanan nga mga kandidato nga dili gamiton ang katalagman sa Bohol pinaagi sa pagpanghatag og hinabang nga ang tumong mao lamang ang pagpasiguro sa iyang kadaugan.

“Hindi ho, kami makikialam sa relief, magmomonitor lang kami just to make sure that all election laws as well as non-interruption of the relief activities ay dapat mangyari. At hindi dapat sumali ang mga kandidato,” pamahayag pa ni Brillantes.

Sa nasayran nga ang  Omnibus Election Code (OEC) higpit gayod nga nagdili sa mga kandidato, asawa o si bisan kinsa nga sakop sa pamilya nga mosalmot sa pagpanghatag og hinabang ngadto sa mga biktima sa kalamidad. Mahimo nga ang hinabang nga ihatag sa mga politiko na lamang itugyan sa Philipippe  National Red Cross.

Sa dugang  kasayuran nga ang Department of Interior and  Local  Government  (DILG)  sa paghimo og pakisusi maoy nasuta nga lakip sa gitagoan ang mga relief goods, human sa paglabay  sa pipila ka semana nga nahitabo nga  7.2 magnitude nga  linog nga miigo sa lalawigan sa Bohol maoy gikataho nga ang mga relief goods gitagoan sa mga politiko kay mao kini ang mangunay sa pagtunol sa hinabang.

Sa labing ulahi nga kasayuran maoy natala ang kinatibuk-ang gidaghanon sa mga namatay sa linog miabot na 190  ka mga tawo ug 100,000 kapin ka mga tawo ang nawad-an og pinuy-anan nga  ang kadaghanan kanila sa mga biktima mao ang gikan sa  lalawigan sa Bohol.

Hinuon wala malakip sa gipadayag nga pahimangno sa Comelec ngadto sa mga kandidato ang mga kandidato sa bisan asa nga barangay sa nasud lakip na sa Kabisay-an nga mahimo gihapon silang manghatag og hinabang basta dili lang sa barangay diin siya mokandidato nga konsehal o barangay kapitan.

Kun adunay kandidato nga pagka kapitan o pagka konsehal ba kaha dinhi sa Sugbo nga nakahunahuna sa pagtabang sa mga biktima sa linog ug mohatag og hinabang  ngadto sa mga biktima sa linog sa lalawigan sa Bohol.

Bisan pa tingali kun ang kandidato nga kapitan o konsehal sa barangay nga ang ipanghatag nga hinabang iyang butangan og pangalan kay ang mga molupyo nga iyang hatagan sa maong hinabang dili man makabotar sa Oktubre 28,2013 nga barangay election.