HUBAD SA DAMGO

Dear Professor Tata Swami,

Hi good day to all. Magpahubad na sad ko akong damgo. Kuan ni Prof, horror dream, nagdamgo ko og makahadlok ayo, naa daw namatay puya sa among silingan din gilubong ra daw dayon to, but naabtan og pila ka days ang family atong bata ipa-ugkat daw nila, ila anak kay sayop ang pagpahimutang sa lungon ang puya, dapat daw dili ipahangad ang puya sa lungon, ipaduko daw kay if hangad to siya, inig tawag daw sa bad angels sa bata mabuhi ang bata din musod ang espiritu sa laing bata, ana ang term sa family sa bata. Dali-dali pa sila og adto sa sementeryo aron usbon ang pagbutang sa patay. Sa pag-ugkat daw nila nibuka na daw ang mata sa puya so it means nakagawas na daw ang espirito sa puya. So nauli sila ug mao ila gibalita nga nakagawas na daw ang espiritu sa ilang anak asa kaha to musod. Sus nakurat lang ko prof, kay may anak man ko 1yr old noh, nikalit lang og kaduha ka buok akong anak pareha ra og nawong. Gibunlot sa akong mama ang usa ka anak nako dayon ako sad gibunlot ang usa pagbunlot nako prof, naputol ang liog sa akong anak. So kadto diay akong gibunlot dili diay  to mao akong anak mao diay toy demonyo, so silbi 2 na kabuok akong anak ato. Kadtong bad nga bata mamahimo man siyang tiyanak, naabot ang time magsige na lang me balhin2x og puyo magsige ra gihapon og sunod2x ang demonyo kay amo gidala2x tong bata nga tiyanak kay naluoy sad ko bisa’g tiyanakon to, giguba na jud sa demonyo ang among house kay gipangita jud niya tong bataa. Prof  ako na lang jud gipatay ang bata nga tiyanak, bisa’g sakit para sa akoa. Makalibog prof noh! libog jud ko ngano nagdamgo ko in ato sad. Wa man sad ko uroma prof unsay boot pasabot ani prof?

Alferlyn

Alferlyn,

Kakuyaw ani nga damgo! Mangutana ko, naay gibati bati imong anak karong mga panahona?

Kay ang akong nakita sa imong damgo, dili maayo. Bantayanan gyud na siya karon ug dili angay pasagdan. Kung naa gani kay mabantayan nga dili mao, ipa-check-up gyud dayon kay basin naa pay nakatago nga sakit ok? Kay ang nakapait baya aning bata nga masakit kay dili intawon sila makasulti kung unsa gyud ilang gibati di ba? Pag-ampo gyud ha! Dili nako angay i-elaborate. Basta pag-ampo permi, offer esp. sa imong anak ok? Kadtong naputol ang ulo, naay mga pagbasol so kinahanglan nga buhaton ang angay buhaton para masanta ning mga dili maayong panghitabo. I-apil pud namo sa among rosary imong anak.

Amping!

Prof. Tata Swami

D' Swami (Descendant of Professor Swami)

Facebook page: https://www.facebook.com/Beyonddreams bydswami

Group page: https://www.facebook.com/groups/beyonddreams.swami/

* **

Atangi ang Hubad sa Damgo matag Miyerkules ug Sabado dinhi lamang sa Banat News. Alang sa inyong pangutana kabahin sa kahulogan sa inyong damgo, ipadala kana ni Tata pinaagi sa: [email protected].