Ang saad sa nidaog nga kapitan
Kapitan! asa na man ang imong saad niadtong campaign period nga kung ikaw ang modaog, kaming mga mananagat imong tagaa’g taga, nylon, pana, pukot, bangka. Wa man lagi nimo tumana. Unom ka buwan na lang ang nilabay. Nagtuo ming lahi ka sa uban, tarong ka’g buotan pero karon imo lang diay ming limot-limotan!†matud sa iyang mga constituent nga nagkadungan gyu’g singgit kay duna may gibasang tamdanan.
Nagpundok sila sa tugkaran sa Brgy. Hall, naghangad sila sa ibabaw diin diha si Kapitan Pitanka, nagbarug, nagtan-aw kanila.
Ang kapitan nga nanag-iya’g usa ka fishing supply sukad nga wala pa siya mointra sa politika sa primerong higayon nga midaug pod dayon. Giunohan ra gud niya iyang mga kontra, apil na ang incumbent nga kapitan, tungod lang sa iyang panaad nga nakabitad og pagtagad sa mga botante aron pagbotar kaniya lakip na ang mga pamilya ug paryenti sa iyang mga kaatbang sa politika. Nga karon miapil pod sa maong rally.
Lagot kaayo sila kay bakakon man pod diay kuno ning kapitana. Nagsininggitay sila. Nag-noise barad. Gusto na nilang madawat ang saad sa kapitan.
“Paminaw kamo!†mitingog na ang kapitan, gamit ang microphone nga gi-connect sa pareha niya kadak-a nga bapols. “Mga kahigalaan ko ning atong baryo, wa ako mamakak.â€
Nanghilom ang mga tawo. Naminaw nga nanagdiyong ang mga mata sa kainit sa adlaw. Gipaningot na’ng ilang bukobuko, nawong ug bukton.
“Wala ako nalimot sa akong panaad nga hatagan ko kamo’g taga, nylon, pukot, pana ug bangka nga naa sa akong tindahan. Bisa’g tagaan pa tamo karon dayon,†matud sa kapitan.
“Mao kanay among gusto, Mayor. Karon dayon. Aw, kapitan diay,†matud sa sigao’g mata.
“Okey, tagaan ta mo karon dayon.â€
“Kana†Kana’y mayor ‘aw’ kapitan, diay, matud sa sigao’g ilong.
“Tagaan ko kamo karon dayon. Basta duna moy kwarta ikapalit ba. Wa baya ko misaad ninyo nga libre!†matud sa kapitan, dayong off sa microphone.
Naawop lang dayon ang kalipay nga gibati sa mga tawo ug mibalik lantaw adtong gabii nga nangampanya pa si Kapitan Pitanka. Wala gyud tinuod siya moingon nga libre. Subo silang namauli nga nagbagutbot “Bantay lang ka sunod election. Bantay lang ka!†(Kataposan)
- Latest
