Maria Magdalena - Gula 200

“Maayo kay nahiuli ka na,” nagkanayon si Bob.

“Gisultihan ko nilang papa ug mama nga dinhi kuno ka nangita nako.”

“Tinuod ka na. Didto ka man diay kuno sa siyudad ug mideretso sa Ginatilan.”

“Oo. Akong gikuha ang akong transcript sa eskuylahan ug mideretso na lang ko sa Ginatilan kay akong gisusi didto. May mga binuhi ra ba ka didto.”

Namakak ko kang Bob. Mao man sab kini ang akong gipatuo sa akong mga ginikanan maong ila kong gitugotan nga muadto sa siyudad.

“Nganong gikuha man nimo ang imong  TOR, manarbaho ka?

“Oo, mosuway lang gud. Laktod kong tubag. “Way mahitabo sa akong kinabuhi kun mag-istambay lang ko kanunay. Boring kaayo dinhi sa balay. Matigulang ko’g sayo.”

“Unya, nakuha na ba nimo ang imong TOR?”

“Wa pa. Balikunon pa to.”

“Nabalaka baya ko sa imong pag-adto sa siyudad.

“Ngano man?”

“Dili man gud makontak ang imong cellphone. Nahasol ko labi na kay wa ka magpahibalo nako nga muadto ka sa siyudad.”

“Kalit lang ang akong hukom maong wa na ko makapahibawo nimo. Wala pud ko kabantay nga padung na mag-lowbat ang akong fon.” -- Sumpayan pa