Maria Magdalena - Gula 191

Usahay magsabot mi ni Bob nga adto ra duol sa amo sa Yaw beach mosulod mi sa usa ka mabugnaw’ng cottage diin adto namo tagayon ang kalipay nga lawasnon. Walay kasayoran si Bob bahin sa komunikasyon namo ni Neggar pinaagi sa text ug sa internet. Gililong ko kaniya ang bahin kang Neggar aron dili siya ma-insecure. Maklaro ra ba nga mora og seloso si Bob.

Sa kadugayan, nangulitawo nako si Neggar. Pinaagi lang sa text ug tawag ang iyang pagpaninguha nako. Sa kadugayan, gisugot nako si Neggar. Hangtod nga akong nadiskubrehan nga weird diay si Neggar bahin sa sex. Kanunay ming mag-phone sex. Gusto gani niyang mag-sex mi on line. Apan wala ko mosugot kay naa ko sa internetan.

Paglabay sa tulo ka bulan. Usa ka adlaw niana, nanawag si Neggar sa akong cellphone. Iya kong gihangyo nga magkita mi. Gusto ni Neggar nga magkakita na kami sa personal aron kuno magkailhanay gyud mi.

“Excited na kong magkita ta,” nagkanayon si Neggar.

Wala ko motingog. Naglibog ko kun angay ba kong malipay o dili sa iyang gibalita nako. Mora ba’g dili pa ko andam nga makigkita niya sa personal. Maglisod sab ko pagsulti nilang papa ug mama nga miadto ko sa siyudad kay wala man koy tuyo didto. Tingali pud unya kun mangita nako si Bob.

Nagproblema ko dihang misantop sa akong hunahuna si Bob. -- Sumpayan pa