Maria Magdalena - Gula 163

Nakigtambayayong ko ni Raffy. Gialalayan ko siya aron mas tugob sa sensation ang among pagtagay sa lawasnong kalipay. Ang among mga hangos ug agumod daw nagbanda-banda sa  bungbong sa lawak nga among nahimutangan. Daw miutong ang mga gutlo sa kalalim.

Unya, nagdungan mi’g sangko sa kinapungkayan sa himaya. Mora mi’g mga langgam nga nagtagbo sa paglabok sa ibabaw sa panganod. Unya naghangos ming mitiurok gikan sa makutas nga kombate.

Dihang mikawas na si Raffy gikan sa ibabaw sa naghayang kong lawas, mibangon ko ug misulod sa banyo. Sa akong paggawas, natukmaan ko si Raffy nga nagpasalida sa TV. Sa akong pagsabot, mora’g wala pa siya’y plano nga manggawas na mi sa motel maong ako siyang giapura.

“Manggawas na ta dinhi, Raffy,” giingnan ko siya.

“Unya na,” giingnan ko niya. “Tilokon nato ang tulo ka oras nga short time. “Anugon kaayo ang atong bayad.”

“Gusto na kong mopauli. Nangita na unya to sila si Papa ug Mama nako.”

“Unya na lang gud ta mopauli sa hapon. Daghan bitaw ang kasakyan. Mag-V-hire ta.”

Wala na lang ko motingog. Milingkod ko sa ngilit sa kama. Namatikdan ko nga gibalhin-balhin ni Raffy ang TV sa lainlaing channel. Hangtod nga iyang natultolan ang salida sa TV nga x-rated. -- Sumpayan pa