Ang tawo nga way kalag
Sukad sa akong pagkatawo, Bay, karon pa ko kita’g tawo’ng way kalag,†matud ni Sanfer, nga nagdungka sa iyang gium-om nga sigarilyo pinaagi sa pagbadyet og palito sa posporo. Diha siya sa ilang terrace.
Nag-inom sila’g bahalina nga dala ni Nando, iyang suod higala sa probinsya nga karon pa nakabisita kaniya dinhi sa squatters area. Sukad sa ilang graduation sa elementarya. Napu ka tuig na ang nakalabay.
“Kuyaw gud ana, Bay! Tawo nga way kalag?†ni Nando, nga nanrapo sa iyang simod human matuk-i sa iyang giyarok nga bahalina tungod sa talagsaong nadungog.
“Diin man ka kakita anang tawhana, Bay?†midiyong ang mata ni Nando. May kakulba sa iyang dughan.
“Diri. Moagi to rong taud-taod,†ni Sanfer, dayong ipis ug bahalina sa iyang baso gikan sa gisudlan niini nga half galon nga sinambogan na’g coke softdrinks. Huma’g inom, gitaktak niya ang agiw sa sigarilyo diha sa ashtray sa lamiseta. Unya, mibalik naglingi-lingi sa palibot.
“Kinsay imong gilantaw-lantaw diha, Bay?†matud ni Nando, nga miliraw-liraw sad sa iyang mga mata.
“Ang tawo’ng way kalag, Bay,†mubong tubag ni Sanfer. Ug miabtik sa iyang lingkoranan.
“Nganong nakaingon ka man nga way kalag nang tawhana, Bay?†ni Nando nga nanghingugmo.
“Lahi man gud siya sa tanang tawo nga akong nailhan, Bay. Sa Pilipinas ug sa tibuok kalibutan nga akong naadtuan tungod sa akong pagka-Basic Seaman,†ni Sanfer, nga nanghuy-ab.
“Unsa may nakalahi anang imong giingong tawo nga way kalag, Bay? lahi na’g color sa atong pamanit, mata ug buhok?†ni Nando nga nakuryoso.
“Pareha ra sa ato,†matud ni Sanfer. Ug gitunola’g sigarilyo si Nando.
“Ingon ka, Bay, lahi siya nga pagkatawo? Unsa may nakalahi nianang imong giingong tawo nga way kalag? ni Nando nga midawat sa sigarilyo.
“Wa man gud ko kadungog ug kakita niini nga nasuko sukad sa akong pagpuyo dinhi. Bisa’g libakon siya, pasingitan siya, bugal-bugalan siya. Ikay ingon anaon, Bay. Di ka masuko?†ngisi gamay ni Sanfer.
“Suko uy!†ni Nando nga pinamug-ot pang nawong, pinalisngag ang ilong.
“Maypa lagi buang ining tawhana, Bay, kay napay kalag,†lingolingo ni Sanfer. “Gilang kay kung moagi to ron, paila-ilahon ta mo, palamanuhon tika sa iyang kamot.â€
“Ayaw, Bay,†ni Nando nga nanglimbawot ang balhino.
“Dara, Bay. Miagi na si Noy Angerno,†ni Sanfer.
“Kinsa man na siya, Bay?†ni Nando.
“Ang tawong way kalag. Paarion nako, ha, pag-ila-ila, mo!†ni Sanfer nga mibarug sa iyang gilingkoran.
“Ayaw, Bay! Ayaw lagi!†kahadlok ni Nando.
“Nganong hadlok man ka’g tawo nga way kalag, Bay? Maayo man na siyang tawo,†ni Sanfer nga mingisi.
“Unsa gud tawo’y nakaayo ana, gud?†ni Nando nga kurog kaayo.
“Maayo to siya, Bay. Kay tawo siya nga way kalag ... way kalagot ba. Bisa’g unsay imong isulti ug i-komedya,†ni Sanfer nga mikatawa ug mibahakhak.
“Mao diay na siya,†ni Nando nga pwerting luspara. Nauwaw siya. (Kataposan)
- Latest
