Bag-ong modus
Untop alas diyes sa buntag ang pag-abot ni Mario sa barangay hall sa barangay Sipingan ning dakbayan. Duna siya’y tambongang husay sa Lupon.
“Maayong buntag, ninyong tanan†ni Mario nga naggunit sa summons sa toong kamot. “Ikaw si Mr. Mario Canto?†matud sa tawo nga diha sa tunga sa tulo ka lalaki nga naglingkod atubangan sa lamesang taas.
“O, ako Nyor†ni Mario. Kutob sa tawo nga di niya kaila, “Nyor†iyang tawag, labi na og desente’g barog.
“Ako si Konsehal Rey Meron, chairman sa Lupon. Kining tupad nako sa wala si Konsehal Victor Tuna, member. Kining sa too nako si Konsehal Glen Corte, member’ sa chairman.
Giyangoan ni Mario ang duha, dalang yukbo.
“Lingkod aron magsugod tag husay†sa chairman.
Nilingkod si Marko sa bakanteng lingkuranan atbang sa chairman. Sa iyang too, tumoy sa lamesa, naglingkod ang complainant, konohay ang napaakan og iro.
“Nia ron si Mr. Dino Egret ang complainant. Duna siya’y reklamo nimo tungod kay napaakan siya’s imong iro†sa chairman.
“Sa di pa ta magsugod Mr. Chairman, gusto lang ko masuta gyud ang tinood nga pagkatawo o identity ining complainant. Gusto ko nga on the record gyud nga siya gyud ang tinood nga complainant. Kinsay iyang ngan ug address. Kay public record man ning proseso sa Lupon. Di ba?†ni Mario. (sa wa pa siya nitambong dinhi, nangunsulta una siya’g abogado unsay iyang buhaton. Kay nagduda siya nga mangingilad ning complainant ug kadtong nagpaka-enhenyiro-enhenyiro). Nangluspad ug nakapanglab-ok og laway ang complainant. Daw gigil-asan.
Sa hitabo sa niaging semana, nagkalingaw og patuka sa mga fighting cocks si Mario sulod sa lawn sa iyang residensiya nga kinoral. Nagnegosyo siya’g fighting cocks unya duna sab siya tulo ka karenderya sa tulo ka sityo sa ilang barangay.
“Bay! May napaakan sa imong iro! O!†tingog sa tawo nga diha sa karsada. Naggunit og laing tawo nga gilukot ang T-shirt paibabaw aron makita ang samad sa bukobuko nga mora’g kinawrasan. Tua sila’s gawas sa rehas.
Niduol si Mario sa koral.
“Wa man ko’y irong nakabuhi! Nganong mapaakan god tawon na siya?†ni Mario. Nahibulong. Nipaghot iyang Doberman sa sulod.
“Kana!†maoy nakapaak niya.
“Dayon hinoon, bay. Kay akong tan-awon ug tambalan imong samad†ni Mario.
“Unsa? Doctor ka?†pinasingka ang tuno sa tawo nga naggunit sa may samad.
“Di man ko doctor. Apan sayon ra man pagtambal ang samad. Naa man koy Betadine ug Band Aid†ni Mario, sa tono nga malumo.
“Kun naa unya’y rabies nang imong iro. Bayri lang mig diyes mil. Aron paindyiksiyonan nako akong tawo†sa tawong istriko. Wa lang nagtingog ang konohay napaakan.
“Dako ra sab nang diyes mil, oy†ni Mario.
“Ah di ka mobayad. Kay magtawag ko’g pulis!†sa tawo nga mora’g agrabyado pa sa konohay biktima.
“Nganong hadlokon man ta nimo’g pulis? Pagtawag! Maayo bitaw nang makasulti ang pulis kun angay ba kong prisohon, kun nakapaak man konohay akong iro†ni Mario, nga napikal na.
Nipindot ang tawo sa iyang selpon. Way singko minutos, may niabot nga unipormadong pulis. Dakong kahibulong ni Mario. Kay kadali rang nakabiya sa iyang presinto ang pulis.
“Ako si Engr. Cris Huldan. Kini akong trabahante sa construction, si Dino. Chief, niay tag-iya sa iro nga nakapaak. Dili mobayad sa napaakan!†matud sa konohay enhenyiro.
“Mahimo bang criminal ang tag-iya sa iro nga nakapaak? Nga anhion man dayon og pulis? Kun napaakan ni siya, siya may niduol sa iro aron mapaakan. Kay nilusot man kono sa rehas ang simod sa iro. Palihog, tsip, isulti ang opisina nimo. Kun hain kang presintoha masakop. Kay i-report tikas imong labaw†ni Mario.
“Ah, husaya lang na ninyo oy!†sa pulis dayong talikod.
“Duna ka bay valid ID?†sa chairman ngadto sa complainant.
“Ah, wa ko kadala, sir. Puwede ba postpone na lang ta?’ Sa sunod husay, magdala ko’g ID†sa complainant.
“Ug pakuyoga tong imong amo nga mas-istrikto pa nimo nga konohay biktima†dugang ni Mario.
Sa sunod abut, mingaw pas tirana. Way complainant ug testigos nitunga. Nakapahiyom ang chairman sa Lupon.
“Duda gyud ko nga bag-o tong modus sa pangilad. Kay galiraw man lang ang mata sa complainant,†niya pa. (Katapusan)
- Latest
- Trending
