Robinhood Gula 7
“Nag-abang ka diay og cottage? Unya kita ra man’g duha,†ni Carmela pa nga mitutok kang Renan. Nakapahiyom si Renan nga nagtan-aw kang Carmela. Karon nasuta niya nga wala gayud diay kini maanad nga makig-uban og lalaki nga sila ra’ng duha.
“Sagdi lang Mel, ikaw lay gamit diha kun mopahuway ka kay ari lang ko sa gawas. Dili usa ko mosulod diha kay wala pa ra ba gyud ka mosugot nako,†mapaubsanon ang tingog ni Renan. Wala motingog si Carmela nga nakadungog sa gisulti ni Renan.
Kalit mibathay sa iyang kaisipan kadtong subo kaayo niya nga bayhon samtang naghinuktok siya didto sa ospital kay walay ikagasto pagpa-opera sa iyang inahan diin kalit lang mibutho si Renan ug mitanyag kaniya’g tabang aron mahimo ang operasyon.
“Bitaw mosugot ko nga mag-uban ta dinhi sa cottage Renan. Anaa ra nimo kun imo ko nga binuangan apan gitan-aw nako nga dili ka ingon niana nga pagkatawo. I love you Renan,†matud ni Carmela.
Sa kalipay ni Renan wala niya kapugngi ang kaugalingon, nagakus niya si Carmela. Misulod sila sa cottage ug sa unang higayon nagparayganay silang duha. “Ayaw baya ko’g binuangi Renan ha?†paraygon ang tingog ni Carmela.
“Ikaw ang babaye nga akong pakaslan Mel,†matud ni Renan dihang misugod na siya sa pagparayeg kang Carmela. Nanginit ang masi’g nila ka kalawasan. Wala na mahinultol si Carmela dihang gipakaligo siya og mga hawok ni Renan.
Sulod sa cottage giangkon ni Renan ang pagkabulak ni Carmela. Malipayon kaayo sila’ng duha. “Ayaw kabalaka Mel, tumanon nako ang akong saad, ikaw ang himoon ko’ng kapikas,†matud ni Renan. Tumang kalipay ang naangkon ni Carmela nga nakadungog sa pasalig.
Giusban pa nila pagtagay ang lawasnong kalipay. Namalik sila sa Tabogon ug nakalitan sila si Carlos ug Meling dihang gitug-anan ni Renan nga magpakasal sila si Carmela.
Pagka gabii, wala gayud mosupak sila si Carlos ug Meling nga didto gipahigda ni Carmela si Renan sa iyang kwarto. Natan-aw usab nila nga buotan si Renan ug daku kaayo’g natabang kanila.
“May itug-an ko kanimo Mel,†ni Renan pa nga mora’g may ikumpisal. Nakurat si Carmela kun unsa’y itug-an ni Renan. “Nakasala ko sa balaud, druglord ko Mel, apan akong gisaad nga moundang na ko niini nga negosyo kun makakita na ko’g pangasaw-onon.â€
Wala makatingog si Carmela, mora’g nasud-ipan. “Ayaw kabalaka Mel, tungod kanimo, moundang na ko. Total may igo na ako nga tinigum. Manginabuhi na ako sa tinarong,†ni Renan pa.
Walay nahimo si Carmela gawas sa pagsabot ni Renan. Wala nila kini ipahibawo sa ilang mga ginikanan. “Isaad ko Mel, magbag-o na ako tungod kanimo ug sa atong mga anak.†- Kataposan
- Latest
