Para di mahimong fashion victim

Kanang gitawag nga fashion victim mosul-ob og bisan unsang outfit nga maoy uso bahala na’g di angay niya. Bisan unsa pa ka-sikat ang trend di tanan ang moangay ani. Matod sa mga eksperto, kinahanglan magkat-on og develop ug kaugalingong istilo ug dawaton nga naay mga disenyo nga moangay nato ug naa say dili.

1. Ukaya ang imong closet. Katong mga sinina/blouses/karsones  nga wa na sa uso, isud sa dakong kahon ug ipadaplin kay basin mobalik ra sad ni sa uso after pila ka tuig.

2. Ang uso mawagtang ra dayon maong palabiha og pamalit ang mga sinina/blouses/karsones nga classic ang disenyo kay di ni mawagtang sa uso. Saglan lang og pipila ka mga trendy pieces.

3. Mas pilia ang disenyo kaysa brand name. Ipalabi ang pagpili sa hitsura ug disenyo kaysa unsang kompanyaha ang gabuhat ani. Ayaw pa da sa brand names bisan ang disenyo di bagay nimo.

4. Isukod ang outfit before paliton para masiguro ang hitsura ug sukod  angay ba nimo.

5. Ayaw isagol ang bold patterns. Pananglitan, dunay print nga polka dots ang blouse, di ni parisan ug sayal nga checks.

6. Ayaw panobra og sul-ob og mga accessories. Di idungan-dungan og sul-ob ang  costume jewelry sama sa pulseras, kwentas, ug ariyos labi na kung isog ang kolor  nila.