Tsiks — Tirada Gula 7

Giparaygan pag-ayo ni Kent si Daisy. Wala usab g’yud mopalag si Daisy sa pagparayeg ni Kent kaniya. Naglami na g’yud og maayo ang ilang pagparayganay.

“Abtika nimo sa babaye no? Tsiks tirada ka man kaayo,” matud ni Daisy dihang giungad pag-ayo sa reporter ang hamis kaayo niini nga liog ug gipabatyag og gilok.

“Kaila mo si Philip? Reporter ‘sab gani na sa radyo unya naa sab na siya sa binisaya nga newspaper? Mora’g pareho g’yud mo nga mga tsiks-tirada,” ni Daisy pa nga nagngisi.

Wala motubag si Kent apan nasuta niya nga tinuod ang gisulti ni Daisy. Nagduda siya nga naagian na usab diay ni Philip kini si Daisy mao nga giarangkada niya pag-ayo.

Sa taud-taud nila nga pagparayganay, daw gibuntog na nila ang kabugnaw sa panahon kay mao na ang mipasuwabi ang kainit sa ilang mga lawas. Pareho sila nga naghangos nga mora’g gatungas og bungtod.

Paniid ni Kent nga wala’y tawo nga makasum-ok sa ilang nahimutangan. “Adto ta sa unahan bi, ilawom anang labong kaayo nga mga dahon para dili dayon ta makita kun may makasum-ok dinhi,” giingnan ni Kent si Daisy.

Tuod namalhin sila. Husto si Kent kay adunay patag-patag nga bahin ilawom sa labong kaayo nga mga dahon nga nagyongyong. Gihukas ni Kent ang iyang gisul-ob nga jacket ug gihapin sa yuta nga maayo nga may pagka patag og dyutay.

Una nga milingkod si Kent ug gibunlot niya paghinay si Daisy. Nangyaka sila sa jacket ni Kent nga maoy nagsilbi nila nga banig nga gihanig sa yuta.

Taud-taud miarangkada na usab si Kent sa pagromansa kang Daisy. Husto g’yud si Kent kay karon nga anaa na sila sa dapit nga daw gihabolan sila sa mga dahon, lambing na kaayo si Daisy. Misukol na kini sa grabe nga parayganay.

Daw gihakup na gayud sa grabeng kainit sa pagbati ang masi’g nila ka kaugalingon. Nagpanghiram na ang mga kamot ni Kent sa kalawasan ni Daisy.

Wala’y kibo si Daisy nga gipanghiram ni Kent ang kalawasan niini. “Hukason nako ni ha?” hagawhaw ni Kent ngadto ni Daisy. Mainampingon nga gipahigda ni Kent ang dalaga sa iyang gihanig nga jacket.

Milihok dayon si Kent sa angayan niya nga buhaton. Namatud-an ni Kent nga mao diay nga naghikog ang boyfriend ni Daisy kay tungod sa iyang sayop nga nangita’g lain luyo sa kaparaygon sa iyang girlfriend.

Gitagbaw ni Kent ang iyang pagka tsiks-tirada. Apan nabatyagan ni Kent nga lahi g’yud si Daisy sa ubang mga babaye nga nangagi kaniya.

“Makabuang ka g’yud diay tuod Daisy. Kuyawan ko nga ako na sa’y maghikog kon imong buwagan,” ni Kent pa human sa ilang pagparayganay.  (Kataposan)