Maria Magdalena - Gula 127

Sulod sa bugnaw’ng lawak sa motel, gikatugyan gayod nako ngadto kang Darwin ang akong pagka-babaye. Wala gyud ko makatutol sa iyang gihimo. Giangkon ko niya sa hingpit. Ug natambalan ang gibati kong kahidlaw sa lawasnong kalipay.

Mao kadto ang sinugdanan sa relasyon namo ni Darwin. Sukad niadto kanunay na kaming magkita. Ug sa matag higayon nga magkita kami, adto gayod kami mosangko sa usa ka pribadong lawak diin amo ang tanang higayon sa pagpahimulos sa pagtagay sa dugos sa himaya nga tugob sa kahinam namong gisaw-an.

Usa ka adlaw niana, nanawag si Walter sa akong cellphone. Nagkasulti kami. Gimingaw na kuno siya nako. Gihidlaw na usab siya sa among pagtagay sa lawasnong kalipay. Gisakay-sakayan ko lang ang mga estorya ni Walter. Kay sa akong bahin, wala na man ko hidlawa kay gitubag na man ni Darwin ang akong lawasnong panginahanglan.

Mas mainampingon na hinuon ko sa pagpakigrelasyon ni Darwin. Nitagam na man gud ko sa una nga nasakpan kami si Walter ni Daniel. Mao nga wala gyud nako tug-ani si Darwin kun hain ko magpuyo. Dili ko gustong makatultol siya sa balay nga akong gipuy-an. Gusto lang kong maneguro nga dili gyud kami mabulilyaso.

Kanunay mo-text si Darwin nako. May mga higayon nga magkadungan sila’g text si Walter. -- Sumpayan pa