Hambog
Mahimo ba mangutana ko kun pilay edad nimo, Chit?†ni Letty ngadto sa iyang kabayle og sweet music, dinuyogan sa awit ni Marco Sison nga “My Love Will See You Through†sulod sa basketbolan (nga gihimong baylehan) sa baryo Halag. Pormal ang paggunit ni Chito ni Letty ning lawom na nga kagabhion.
Nagrespeto siya ug nag-amping sa pagkababaye ni Letty nga karon lang adlawa niya nakaila. Anak si Letty sa barangay kapitan sa maong baryo nga kumpare sa Tiyo Ben, ni Chito. Ang iyang uyoan ang naggalgal niya nga mamista dinhi.
Gipailaila sila ganihang udto sa pagkinan-anay sa kumberang gihikay ining adlaw nga kahulogan sa piyesta sa maong baryo. Gaan ang buot ni Letty sa ulitawo. Ug namatikdan niya nga silang duha dunay gusto sa usa’g-usa. Mora’g love at first sight.
Nipahiyom si Chito. “Abi nimo nobenta porsento sa tawo nga akong sultihan sa akong edad, dili motoo. Nakasabot ko, nga mas tiguwang ko tan-awon sa akong edad†ni Chito nga nitotok sa iyang kasayaw.
“Dili man ko eksperto sa pagtag-an sa edad sa tawo pinaagi sa pagtan-aw sa hitsura. Kun unsay imong itug-an, mao say akong tuhoan†ni Letty.
“Disinuybe pa ko, Let. Apan kasagaran sa akong tug-anan, moingon nga mora na kog’ trayenta†ni Chito. Nakatawa si Letty.
“Tingale, tungod sa imong kabuotan o kaseryoso sa kinabuhi, tingale na-matured ka tan-awon. Ug tungod sab sa imong ka-pormal og panlihok†ni Letty.
“Unya motoo ka nga mora na kog’ trayante?†ni Chito.
“Dil. Pero, puwede og 21. Manghod ko nimog tulo ka tuig†ni Letty. Nipahiyom.
“Salamat. Kay di kaayo layo sa tinood†ni Chito.
“Unya puwede pa ko mangutana, nganong sa edad nga 19, nahimo ka nang Kapitan sa barko? ni Letty. Seryoso nga nagtotok sa kasayaw.
Hinay ilang sayaw kay hinay man ang musika. Dili halata ilang panagkulukabildo tungod kay nalibutan sila sa daghang mga ulitawo’g daga nga nanayaw sab. Nakapanglab-ok og laway si Chito. Nakalitan siya sa maong pangutana.
Duha ka tuig pa lang panakay niya sa barko isip agregawo sa m/v Orion. Sayo gyud hinoon siyang nakahuman og kurso. Kay 5 anyos pa siya pagtungha sa grade one. Nanaug siya kay mokuha’g board exams sa pagka-third mate. Labing dali, ang opisyal sa barko nga mahimong kapitan, walo ka tuig. Kun kada tuig mokuha’g board exams ug mopasar kada kuha, walo ka tuig kapitan na ang maong opsiyal. Tulo ka tuig gikan sa third mate ngadto sa chief mate. Dayon lima ka tuig sa pagka-chief mate, puwede na mokuha’g board exams pagka-kapitan.
“Kinsay nagsulti nimo nga kapitan na ko. Wa baya ko magpaila nga kapitan ko. Nasuweldado kos barko kay nag-sideline ko pagka-purser. Apan third mate pa gyud ko, kun makapasar ugma damlag†ni Chito.
“Imong Tiyo Ben, nisulti nako ug ni papa. Kapitan kuno ka sa barko. Maong ako nakuryoso. Dili diay tinood†ni Letty.
“Pasensiya na ka.Kay kanang akong uyoan hambogero gyud kaayo nang dako. Kanunay lang nang kasab-ang Papa Dario nga iyang maguwang. Tungod sa ka bakakon ug sa kahambogero†ni Chito.
“Anus-a man ka mokuha’g board exams pagka-third mate?†ni Letty.
“Unom ka bulan pa gikan karon. Mag-review pa ko. Di kaha mausab imong tinagdan nako nga nasayod kang dili diay ko Kapitan?’ ni Chito.
“Dili man na maoy basehan nako sa pagtan-aw sa tawo. Makadayeg ko sa tawo nga mosulti’s tinood. Tingale mausab akong tinagdan nimo kun imong gipaundayonan ang hambog nga Kapitan ka. Unya later on mabuko ra ka. Masayran nako sa ubang tawo nga dili diay tinood. Nisamot akong bilib nimo nga nisulti kas tinood†ni Letty. Nihugot iyang paggunit sa kamot ug abaga sa ulitawo.
Nagpahiyomay sila. Nagtinotokay.Unya nahuman ang awit ni Marso Sison.
“Ganahan kong sweet music tanang tukar. Aron magka-istorya ta pag-ayo†ni Chito.
“Akong sultihan ang operator nga daghanon niya ang sweet music†ni Letty.
Ug gihatod siya ni Chito sa lingkuranan sa mga babaye daplin sa baylehan. (Kataposan)
- Latest
