Ang nobyo nako sa Hunyo
Tingbukas na usab sa klase ning buwan sa Hunyo apan wala ako makapalista sa eskuylahan. Aron unta sa pagtungha alang sa kurso kong usa ka Maestra. Nga matapos unta sa Abril 2014! Ang hinungdan niining tanan, mao ang kaminyuon nako ni Roberto nga akong maestro, sa gitunghaan kong kolehiyo dinhi sa dakbayan sa Sugbo.
Estudyante ako ni Sir Roberto. Guwapo gayud siya nga pagka tawo. Sumala pa niya, usa siya ka ulitawo nga maestro. Sa tanan niyang mga estudyante sa kolehiyo, ako gayud ang labing duol niya. Gani kami gayud ang kanunay nga mag-uban. Hangtud nga sa iyang gugma gayud ako niya gipahayagan.
“Juanita, ikaw lamang gayud ang bugtong babaye nga nakapapitik sa akong kasingkasing. Gimahal ko ikaw Nit, sukad ikaw nahimo kong estudyante, sa third year college, dinhi sa eskuylahan kong gitudloan!†matud pa ni Sir Roberto kanako.
“Apan, Sir, Maestro tika! Gusto pa ako moeskuyla! Magkuha pa ako sa kurso nga pagka maestra!†tubag nako kaniya. Apan wala gayud si Sir Roberto mopatuo kanako. Hangtud hinuon kami nagkatrato. Unya, nakuha gayud niya ang pagka babaye nako; kay gidala ako niya sa usa ka hotel dinhi sa dakbayan sa Sugbo!
“Hu-hu-hu-hu!†Mihilak gayud ako sa atubangan ni sir Roberto. “Unsaon na lang nako niini nga gibuak man gayud nimo, ang bildo sa akong kaputli? Hu-hu-hu-hu!†mibakho gayud ako sa paghilak, nga miumod sa iyang dughan. Nga naghigda sa ibabaw sa kama sa hotel sa lawak nga among gisudlan. Unya, mapinanggaon siya mialam-alam kanako. Gihagkan ako niya! Ug gihapyud hapyod ang bahandi sa akong pagka babaye!
“Ayaw kabalaka, Juanita! Niining atong gibuhat karon, andam na akong mangasawa kanimo†tubag ni Sir Roberto nga nagsublisubli sa katam-is sa gugma. Nangaanod kaming duha sa makusog nga pagbinatiay niadtong higayona. Unya ... “Juanita! Anaa na si Roberto ang imong nobyo sa Hunyo!†naputol ang paghandom nako sa mga romansa namo sa hotel. Tungod sa pagsangpit ni Mama Rosana kanako.
“Gula na diha sa imong kuwarto! Aron sugaton nimo si Roberto ang imong nobyo!†ni mama pa nako Rosana nga maoy misangpit kanako.
“Oo, Ma! Mosunod na ako kanimo!†tubag nako ni mama Rosana. “Total tapos na ako makailis sa akong boda! nako pa nga mipahiyom ug mikatawa.
Gisud-ong nako sa salamin ang kaugalignon kong nawong. Kaguwapa nako? nga nagsul-ob sa boda alang sa among kasal ni Roberto! He-he-he-he! Hilom akong mikatawa.
Gitaliwad-an ako nila ni Mama Rosana ug ni Papa Armando. Aron sa pagpaso paingon sa altar ni Senyor Santo Niño. Diin didto maghulat si Roberto ang nobyo ko sa Hunyo. Uban usab sa iyang mga ginikanan. Nga sila si Arturo ug Rosalia nga maoy nahimo kong mga uganganon.
Tapos sa seremonyas sa among kasal ni Roberto, nga gihimo ni Padre Eduardo, uban sa mga guwapa ug mga guwapong “bridesmaid†ug mga bisita. Didto sa Plaza Hotel sa Lahug kami magsalo sa makabuhong nga paniudto.
“Mabuhi sila si Roberto ug Juanita! Ang nobya ug nobyo sa Hunyo!†Matud pa sa mga bridesmaid nga gipangitsahan nako’s mga bulak. Aron matakdan usab sa kaminyoon. (Katapusan)
- Latest
