Maria Magdalena

Gula 95

Apan mipakisi si Daniel nga mamauli mi sa Cebu kay wala’y tawo ang among balay. Daghan na kaayong kawatan karon.

“Dili ta makalugar didto,” matud ni Daniel sa pag-abot namo sa Cebu. “Daghan silang nagpuyo sa balay kay tipon man ang akong mga ginikanan ang pamilya sa kamanghoran kong igsuon. Mas maayo sa ato kay duna tay privacy,” Bisan pag matambling-tambling ta mahimo nato.”

Halos dili na mi manggawas sa kuwarto ni Daniel. Kanunay gyud kaming maghilawas ni Daniel. May mga higayon nga kun makalugar, bisan adlawan mag-sex kami. Niya pa, paspasan namo aron sa ingon makaanak na kami. Mao nga nagkugi gyud og maayo si Daniel sa pag-uma sa akong tanaman sa tinguha nga makakita na siya’g abot sa iyang singot.

Ang masigka ginikanan gusto na sab nga makabaton kami’g anak. Naghinamhinam na sila nga makakita sa ilang apo gikan kanamo ni Daniel. Sa akong bahin, dili unta ko gustong manganak kun ang ako lang pagbuot maoy matuman. Gubin alang kanako ang bata. Dili ko gusto’g hasol.

Apan matud pa sa uban, wala kuno’y katahom ang usa ka pamilya nga wala’y anak. Ang anak man gyud kuno ang magkompleto sa usa ka pamilya. Mao nga sige na lang. Mao may ilang gusto nga makabaton mi’g anak, pahinuntan ko na lang sila. Labi na si Daniel nga gusto na gyud kaayong makakita sa iyang liwat.

Misantop sa akong hunahuna nga kun momabdos man gyud ko mokuha na lang ko’g katabang nga maoy mag-atiman sa bata. O kaha si Mama Linda  maoy akong pamalihogon sa pag-alima sa bata. Wala man say lingaw si Mama. -- Sumpayan pa