Pagmata na

Dear Tita Salie,

Have a wonderful day. Tawga lang ko sa pangalan nga secret lover, 25, years of age ug usa ka dalaga.

Ang akong problema mahitungod sa among kanunay nga buhaton niining akong hinigugma. Makaingon ko nga nagkaparis mi niining usa ka lalaki nga sama kanako hot kaayo sa sex. Medyo taudtaod na usab kami niining among relasyon, Tita. Ug kanunay namong saw-an ang lawasnong kalipay. Dili pa kami minyo apan hot na kaayo ming duha. Medyo uwaw ang akong tampo, Tita, apan gusto lang ko nga mangayo sa imong tambag kun sakto pa ba kining among gibuhat.

Halos tagtulo ka-round ang among makuha kun maghilawas ming duha matag adlaw. Usahay usab ka duha man lang depende sa condition sa among lawas kay duna man say higayon nga makuha namo ang 4 o 5 ka round.

Palihog pasabta ko, Tita, sa angay nakong buhaton. Daghang salamat ug God bless.

* * *

Hello, secret lover,

Tinuod gyod nga lahi na ang kalibotan karon lahi na ang mga tawo karon. Bisan ang gamay’ng bata nga semana pa lang sukad gianak klaro na kaayo ang panan-aw, dili sama sa unang panahon nga hangtod 2 ka bulan ang bata usa pa kini makakita. Atong masabtan nga karon paspas na kaayo ang kalibotan.

Sa una ang mga manag-uyab lisod kaayong buhaton ang pag-kiss sa imong hinigugma, pero karon bisan wala pa sugta, bisan dili pa uyab nagtagbaw na  sa romansa. Atong makit-an sa atong mga kabatan-onan karon nga yano na lang nilang buhaton ang bulohaton sa mga magtiayon. Timaan lamang kini kun naunsa na ang moralidad sa atong kalibotan. Padayon kini nga gipanamastamasan.

Wala pa may nigawas nga information regarding nianang butanga kun makadaot ba kini sa imong panglawas. Usa lang ka butang nga nakaseguro ko nga dili gyod makaayo kanimo, secret lover. Dili maayo nga magsige mo sa maong buhat tungod kay dili pa kamo minyo.

Ayaw intawon padala sa imong gibati, hulata ang hustong higayon. Dili pa nimo siya bana, busa hulata nga magminyo na mo kaloy-i ang imong kaugalingon. Unsaon na lang kun dili siya ang imong ikadayon, dili ka ba maulaw sa imong mabana, dili ka ba maluoy sa imong kaugalingon kun mabuntis ka unya biyaan ko niya tungod kay dili pa mo minyo? Palihug hunahunaa kining mga butanga ug palihog pagmata na.  Andama ang imong kaugalingon ug ipahimutang pag-ayo ang imong kinabuhi ug ayaw pagdali. -- Tita Salie