Talagsaong akusado
People of the Philippines versus Pat Alongal, for theft†matud sa Court Interpreter sa Municipal Trial Court in Cities, Branch 9 sa dakbayan sa Bunod. Nitindog si Pat sulod sa husgado pagkadungog sa iyang ngalan. Gibadbaran siya’g pusas sa jail guard nga nag-escort niya karong buntaga.
“Appearing for the State, Your Honor. Ready for arraignment†nitindog si Fiscal Ben Diktab. “Pangutan-a ang akusado kun naa ba siya’y abogado†ni Judge Kevin Buhid ngadto sa Interpreter nga si Leo. “Naa kay abogado, Dong†ni Leo. “Wala lagi, sir†ni Pat. Nangawot sa ulo. “Arraignment ra man ni. Basahan kas imong kaso. Mosugot ka’g PAO ang mo-assister nimo?†sa huwes. “Okay ra, Sir†ni Pat. “Atty. Ted Arinod, kindly represent the accused for arraignment only†sa huwes.
“Yes, Your Honor. May I ask for 5 minutes time to confer with the accused†ni Ted nga naglingkod dapit sa too sa Fiscal. “Go ahead. I’ll call the case again’ sa huwes. “Call the other cases†sa huwes ngadto ni Leo.
“Angkonon ni nimo? o dili?†ni Ted ngadtong Pat nga naglingkod tupad sa kuyog niyang mga priso. Puro sila nagsul-ob og lalag nga mga T-shirt. “Dili†ni Pat. Naghunghonganay lang sila aron dili maistorbo ang ubang mga kasong gitawag. “Pila na man ka ka tuig sa prisohan?†ni Ted.â€Duha na kapin†ni Pat. “Kun imo ning angkonon ang pagkawat sa usa ka sakong bugas, unom ka bulan ra imong sentensiya. Mabuhian ka dayon†ni Ted. “Mas ganahan ko sulod sa prisohan†ni Pat. “Ngano man?†ni Ted. Nahibulong kaayo. “Sa gawas, mabaw pa ko’g pangita’g makaon ug kapuy-an. Samtang sa sulod sa prisohan, pinakaon ko, dako’g building puy-anan, guwardiyado pa ug tinudloan pa ko’g abilidad nga way bayad†ni Pat.
“Unya mosugot ka lang nga matanggong gikan sa unom ngadtos napulo ka tuig? Kay tungod sa kadugay mabista ang mga kaso tungod sa kadaghan?†ni Ted. Sulod sa usa ka tuig niyang alagad sa PAO, karon pa siya kasugat og akusado nga sama ni Pat. “Sugot kaayo. 18 pa man ko. Bisa’g 20 ka tuig pa kos bilanggoan, bata pa gihapon inig gawas ni Pat. Mapahiyomon.
“Wa diay kay ginikanan o kapamilya nga maulian?†ni Ted. “Layas ko gikan sa Pranzia Orphanage. Gipul-an na ko didto†ni Pat. Napanglingo si Ted. “Unsa may gitun-an nimo sa prisohan?†ni Ted. “Bible Study†ni Pat. “Ah ok,†nakayangoyango si Ted. “Segurado nga mapastor ka inig gawas†dugang niya. Nakapahiyom. Unya natawag og balik ang kaso. “For the accused, Your Honor. Ready for arraignment†ni Ted. Nitindog. Nitindog sab si Pat. “Inig huma’g basa, pangutan-on ka ni Leo kun guilty ba o not guilty, ingna “not guilty†hunghong ni Ted sa akusado. Nilakang si Pat paduol sa atubangan sa huwes.
Sa laing bahin, nakadayeg si Ted sa talagsaong katakos ni Pat nga mopuyo og dugay sa bilangguan. Sa bagay, libre man siya’g tuition fee sa iyang Bible College. (Kataposan) (Sa gusto’g libreng kunsulta, dad-a ning pahina sa sugilanon sa opisina sa tagsulat, sa Sabado’s buntag)
- Latest
