Maria Magdalena - Gula 73

“A-ako bay imong gisangpit?” Gipangutana ko siya.

“Yes,” niya pa nga mapahiyomon. “May lain pa ba gong tawo dinhi gawas nimo?”

Wala ko motingog. Husto siya. Sa dapit nga akong nahimutangan, ako rang usa ang naglingkod. Aduna hinuoy mga babaye ug lalaki nga nagtukaw sa kagabhion apan layo ra sila sa akong nahimutangan.

“U-unsay imong tuyo?” Laing pangutana ang akong gipasupot kaniya.

“Miduol ko nimo kay mora’g pamilyar nako ang imong panagway,” niya pa.

“H-ha?”

“Taga Barili man ka dili ba?”

“Ku-kuan...a-aw, o, taga Uling, Barili ko.

“Daan pa lagi gyud ko. Taga Barili man sab ko. Wa ka lang tingali makaila nako panagsa ra man ko mosuroy. Nag-eskuyla man ka sa Sta. Ana Academy sa una dili ba?”

“Oo,” mitando na lang ko kay ingon sa suheto kaayo kanako ang maong lalaki.

“Nganong nia ka man dinhi?” Sukit niya.

Wala ko motingog. Nakasukot ko sa akong kaugalingon kun angay ko ba kaha siyang tug-anan nga may kauban kong lalaki sa pag-overnight sa beach resort.

“Kun-kuan,” matud ko nga nakabunlot nag pamakak,” “nag-overnight mi dinhi. Kauban nako ang akong bana.” -- Sumpayan pa