Maria Magdalena
“Abroad diay ang imong bana?†Mipahiyom si Emilio samtang nangutana, mikidlap ang iyang mga mata nga wala’y kalainan sa mga mata ni Nicholas Cage.
“Oo,†mubo kong tubag. “Pero pila ka buwan na lang ang akong paaboton ug makapauli na siya.
“Dugay pa kaayong paaboton, uy. Kay samot nga hinay ang dagan sa mga adlaw kun aduna kita’y hulaton.†Makaantos ka kaha sa kamingaw mo sa imong bana nga taudtaod nang nahilayo kanimo?†Nagkanayon si Emilio.
“Aw, agwantahon lang gud. Ingon niini man gud tingali ning mangita ta’g tingusbawan. Kinahanglang magsakripisyo, mag-antos gyud tungod ug alang sa pamilya.â€
Wala ko makasabot sa akong kaugalingon kun nganong ingon sa gaan kaayo ang akong buot ngadto kang Emilio. Gihatagan ko dayon siya sa akong cellphone number dihang gipangayo niya ang akong numero. Mihatag sab siya nako sa numero sa iyang cellphone.
Ang daklit nga panaghimamat namo ni Emilio ingon sa nahimong mahinungdanong tipik sa akong kinabuhi. Dihang miabot na ko sa Cebu City aron buhaton ang akong tuyo, ug hangtod nga mipauli ko balik sa Ginatilan si Emilio ang kanunay kong gihunahuna.
Sa pag-abot nako sa balay, ang akong katabang na ang gipahipos ko sa akong mga pinalit. Gikapoy ko sa biyahe ug gusto kong mopahuway. Mao nga misulod dayon ko sa kuwarto ug nag-ilis. Human makailis, mihigda ko sa mahunolhunol nga kama. Kalit lang mitingog ang message alert tone sa akong cellphone. -- Sumpayan pa
- Latest
