Maria Magdalena - Gula 57

Masuk-anon si papa nga nakigsulti kang Brader Daniel.

“Balik diri, Daniel,” ni Papa. “May mahinungdanon kitang panagsultihan. Kinahanglang mobalik ka diri karon gyud dayon.

Human sa panagsulti nila ni Papa ug Brader Daniel sa cellphone, gipahibalo usab ni Papa Juan ang among kura paruko nga si Padre Jeho sa gitaho ni Papa.

Pasado alas onse sa buntag nahiabot si Brader Daniel sa among pinuy-anan. Sa sala, nag-atubang ming upat. Nagtupad paglingkod sila si Papa Juan ug Mama Linda. Ug samtang nagsultihanay ni may miabot nga sakyanan, sakyanan ni Padre Jeho.

Wala mag-usik og panahon si Papa Juan. Gisukmatan dayon niya si Brader Daniel.

“Unsay gibuhat mo sa akong anak, Daniel?” Gahi ang tingog ni Papa Juan.

“W-wa koy sala sa nahitabo kanamo,” nangatarungan si Brader Daniel. “S-si Maria ang...”

“Ayaw na lang pagpamakak, Daniel,” misakgaw ko sa pagsulti nga nag-inartista sa paghilakhilak. “Misulod ka sa akong kuwarto ka gabii ug gipahimuslan nimo ang akong pagka-babaye. Mananap kang dako! Seminarista ka na man unta.”

“Naunsa man ka, Brader Daniel? Matud ni Padre Jeho. “Wa ko magdahom nga makahimo ka sa linuog nga buhat kay hapit na gud ka ma-ordinahan.” -- Sumpayan pa