Mokutod ang sanggotan kundili na mapitlagongan

“Pitlagonggggggg ..... pitlagonggggg .... pitlagongggggg!” maoy nasabak karon sa duha ka dunggan ni Ulang, karong buntaga ang kalanog sa pitlagong ni Ponso, ang biyuda niyang silingan nga sayo kaayo nga nanawat sa iyang sanggotan.

“Please lang Ponso ... kun mahimo, hinayhinaya lang og bunal kanang kadako sa imong pitlagong!” ni Ulang pa nga nanighawak nga gibadlong si Ponso.

“Musamot pagkatukod ang buntagon kong dawat nga tuba ...  Ulang, kun hinayhinayon ko pagbunal ang akong pitlagong! prangka nga mitubag si Ponso.

“Extra size gud ning gidak-on sa akong pitlagong.”

Nahitiurok sa makadiyot si Ulang. Sakto gayod ang tanang gipamulong kaniya ni Ponso. Sama sa nahitabo kaniya, nga sa kadugay nang katuigan sukad siya nabiyuda kang anhing Panyong, adunay kaadlawon nga mangatol ang iyang bilahan ug ughan pa gayod sa kabasa nga modagayday dapit sa iyang bugan. Ngano kaha? Nakapangutana si Ulang sa iyang kaugalingon. Dili ba kana mahisama sa sanggotan ni Ponso ang iyang pagkabiyuda karon, nga wa na gayod makatilaw pa og pitlagong ni Ponso, ning kasayo pa sa kabuntagon.

Takulahaw ... mibundak ang makusog nga ulan. Daw may taliabot nga makusog nga bagyo.

Giadto niya ang nahimutangan sa sanggotan ni Ponso, nga sa iyang tan-aw hilabihan kadangog ang mga hakhak.

“Hunongi una Ponso ang imong pagpanawat kay basin mahulog ka sa lubi sa panahon nga ikaw manaug!” dihay iyang pahimangno kang Ponso.

Dili man god ikalimod, nga sukad lang nabiyudo si Ponso, ning ilang balangay sa Kapangian, gigahin nalang niya ang iyang panahon sa pagpananggot.

“Unsa man nang misiwil sa imong bilhaan Ponso? sa akong tan-aw taas pa man kana sa imong  pitlangong?” sagol komedya ang gidalit niya kang Ponso.

“Buyag intawon Ulang ... .wa na ra ba gayod kini makaenter  sukad  ako nabiyudo, kang anhing Nisya!” nagkanguhal ang sinultihan ni Ponso.

Ambot unsang hitaboa, gikalit man og gakos ni Ponso si Ulang, ug sa kauhaw sa duha ka binuhat, nalimot silang duha sa ilang kaugalingon diin si Ulang nagkanayon:

“Diliiii naaaa mahitabooooo mokutodddd kiningggg akonggg sanggotannn Ponsooooo .... kay imo naaaa mannn ngaaa gipitlagongannnn!” (Kataposan)