Maria Magdalena
Gula 53
Naniid ko sa palibot. Nagmingaw na ang kuwarto nila ni Papa ug Mama. Nagpadayon pa hinuon ang pagbunok sa ulan. Ang bugtong nakatugaw sa kamingaw sa kagabhion mao ra ang mga lusok sa ulan nga daw nagyatakyatak sa atop nga sin sa among balay.
Mibangon ko gikan sa gihigdaan kong kama. Mainampingon kong migawas sa akong kuwarto. Nagkinto ang akong mga lakang samtang mihinay ko’g paingon sa pultahan sa kuwarto nga gikatulgan ni Brader Daniel. Paghiabot nako sa tungod sa pultahan, gisulayan nako’g liso ang doorknob. Serado kini. Nanuktok ko sa pultahan. Hinay nga pagtuktok aron dili makabati sila si Papa ug Mama didto sa ilang kuwarto sa taas.
Wala madugay, misiga ang sugang dagitabnon sulod sa kuwarto nga nahimutangan ni Brader Daniel. Unya naabli ang pultahan. Nakugang siya sa iyang pagkakita kanako.
“Uy,†niya pa. “Wa ka pa diay matulog?â€
“Hinaya kanang imong tingog, nako pa dungan ang pagpabarog sa usa nako ka tudlo sa tunga sa akong baba.
“H-ha?†Nahakanga si Brader Daniel.
Misulod ko sa kuwarto. Gi-lock dayon nako ang pultahan sa dihang nakasulod na ko. Unya gipalong nako ang suga sulod sa kuwarto.
“M-Maria,†ni Brader Daniel pa nga nahibulong sa akong gihimo. “U-unsay buot ipasabot niini? Nga-nganong...†Sumpayan pa
- Latest
