Maria Magdalena Gula 40

Wala ko masayod kun nganong misanong dayon ko sa gusto ni Marcos. Wala koy kahadlok nga makigpuyo kaniya bisan kun nagtungha pa ko.

Alas singko na sa hapon dihang naplastar na namo ang among mga gamit sulod sa bag-o namong kuwarto. Nagpahiyom ko nga nagtan-aw kang Marcos nga mora mi og bag-ong magtiayon. Ingon sa nahuptan namo ang tanang kagawasan ug puyde namong buhaton ang bisan unsa may among gustong mahitabo.

Tungod kay abog kaayo ang among lawas, misulod ko sa banyo aron maligo. Gipaagas dayon nako ang shower ug misugod sa pagkaligo. Unya dihang nanabon na ko sa tibuok kong lawas, dunay mituktok sa pultahan sa banyo.

“Kinsa na?” Nangutana ko.

“Duna pa ba diay lain nga gustong makigdungan nimo pagkaligo?”

Si Marcos diay ug gustong mosulod. Bisan bag-o pa kami sa maong lugar, apan amo dayon kining nagamit aron masinati na usab ang langit ibabaw niining kalibotan. Pareho kaming naadik sa maong buhat. Dili mapugngan ang among kaugalingon. Bisan gamay ra ang banyo apan amo lang gihapon nga natagbaw ang among kaugalingon.

Wala na lang gyud kahulat si Marcos nga mahuman ko pagkaligo aron didto sa gamay nga kama among katkaton ang hagdanan paingon sa langit.

“Wala ka ba diay gikapoy nga mi-score pa man gyud ka?” Gipangutana ko siya. -- Sumpayan pa