‘45 Minutes’ - Gula 3

Mikuba pag-ayo ang dughan ni Berting kay nasabot niya nga lain og tumong si Liza sa pagpakigkita kaniya. Ang tinuod, may gitagoang kaibog si Berting sa asawa sa iyang higala nga si Tiago tungod sa gibatonan niining kaanyag.

Mili-li si Berting sa gawas sa ilang panimalay. Wala gayud diay magkomedya si Liza kay nalantawan kini ni Berting ang nga nagbarug nga nagsandig sa poste. Gibuksan ni Berting ang pultahan ug gikamay si Liza.

Abtik kaayo nga milakaw si Liza sa nahimutangan ni Berting. “Naunsa ka man Liz?” gisukna ni Berting ang asawa sa iyang higala nga si Tiago. “Adto ta magsultihanay sa imong kwarto kay basin og makamata ang imong inahan,” matud ni Liza.

Nagdali sila nga mipaingon sa kwarto ni Berting human niya kasirad-i ang pultahan sa balay. “Gikuyawan g’yud ko niining imong pag-anhi sa balay niining orasa, nganong miari ka man Liz?” maguwang lang sa hagawhaw ang tingog ni Berting kang Liza.

“Wala ko mahimutang sa giingon nimo ganina nga kun ikaw ang modala’g kumbati sa kama paabton nimo’g 45 minutos. Gusto unta nako nga pasuwayan ni Tiago pero tungod sa kahubog nakatulog.

“Mao ba? Unya unsa may akong mahimo?” ni Berting pa nga mora’g nagpatoso-toso nga kunohay wala siya makasabot sa pag-adto ni Liza sa iyang balay niining takna sa kaadlawon.

Apan miparayeg si Liza kang Berting. Karon nabug-os na g’yud ang pagtuo ni Berting nga gusto ni Liza nga imatuod kaniya ang iyang giingon nga makalahutay siya’g 45 minutos.

“Moadto usa ko sa kusina,” giingnan ni Berting ang asawa sa iyang higala. Gibuksan ni Berting ang refrigerator ug gikuha ang gamay’ng garapa nga gisudlan sa iyang “anting-anting.”

Ang anting-anting ni Berting mao ang tambal nga sagad iyang imnon kun aduna siya’y kumbati sa kama ug maoy mohatag kaniya og igong lahutay nga moabot og usa ka oras.

Mikuha si Berting og duha ka tabletas ug gidungan niya’g inom. Dili siya gusto nga magmahay si Liza ug mauwawan siya. Taud-taud, nakamatngon si Berting nga dunay kausaban sa iyang pamati.

Naghinam-hinam si Berting sa sunod nga mga panghitabo kay nasayud siya nga dili gayud mahimutang ang iyang mahimong kontra sa kumbati sa kama kun makainom siya sa iyang anting-anting.

Mainampingon nga misulod si Berting sa iyang lawak. Bisan og dili kaayo hayag ang kwarto, apan klaro niya nga makita nga naghigda na si Liza sa iyang katre.

“Basin baya og mahibaw-an ta ni Tiago ha?” giingnan ni Berting si Liza. - Sumpayan