Past and present

Dear Tita Salie,

Have a wonderful day. I just want to you to call me Rechel, 18 years of age and still single. I really love reading your column kay mag enjoy gyod ko makahibalo sa mga problema sa ubang tawo. Nindot pod basahon ang imong mga tambag ug tubag sa ilang questions.

My problem is about my lovelife. Naa man god koy boyfriend karon, Tita, apan dili siya ang akong gikaproblemahan. Kay happy kaayo ko sa among relasyon karon ug loving and caring kaayo siya kanako.

Ang nakahasol nako karon, Tita, mao kining akong ex  or past boyfriend. Until now medyo duna pa koy feelings niya apan dili na pareho sa una nga grabe gyod akong love niya. Maybe because naa na koy present boyfriend nga nag-love og maayo kanako.

Kining akong past, Tita, gusto kaayong makigbalik kanako bisan nasayod na siya nga duna na koy present boyfriend. Love nako siya gamay apan mas love gyod nako ang akong boyfriend karon.

Unsa may akong buhaton, Tita, aron mahimutang na kining akong past boyfriend ug dili na siya makigbalik nako? Palihog pasabta ko. Thank you very much and God bless you always.

* * *

Hi, Rechel,

Makaingon ko nga lahi sa kasagaran ang imong sitwasyon kay mostly sa mga magpadala og suliran diri kanako, naglisod ug nagproblema sila tungod kay duna na sila’y bag-ong uyab apan mas bug-at nila ang ilang ex or past nga relasyon. Ang ilang problema kay naglisod sila pag move-on kay hangtod karon ang ila lang gihapong ex ang anaa sa ilang hunahuna ug kasing-kasing.

Ganahan ko sa imong kinaiya, Rechel, kay dali ra ka nakausab sa imong focus  ug wala kini nahibilin sa imong kagahapon. Tingali duna kay pagka practical og panghunahuna. Ug imong nabuntog dayon kun unsay gibati sa imong dughan. Of course, na-inlove ka pag-ayo nianang imong ex sa una dihang kamo pang duna, apan karon nga lahi na ang imong gitugyanan sa imong gugma dapat lang usab nga dili na siya ang anaa sa imong dughan ug kasing-kasing kay unfair gyod kini sa imong boyfriend.

Pasabta siya kun unsa kang matang sa pagkatawo, ingna siya nga faithful ka sa tawo nga imong gihigugma, and since dili na siya ang imong uyab, so, dili na gyod siya ang anaa sa imong dughan. Pasabta siya ug ingna nga mangita lang una og laing babaye kay sa pagkakaron duna kanay gitugyanan sa imong kasingkasing, ug dili ka gusto nga limbongan siya. -- Tita Salie