Ang bakasyonista

Gipasiklapan ni Charles ang bayhon sa naghayang nga si Rose. Migawas si Charles sa kwarto ug mipaingon sa CR nga nahimutang dili kaayo layo sa iyang kwarto.

Wala dayon malaksi sa kaisipan ni Charles ang pamayhon ni Rose samtang natulog. Hinay nga mibalik sa kwarto si Charles. Nagmatngon siya nga makamugna og kasaba aron dili mahigmata sila si Sherlyn nga iyang ig-agaw ingon man si Rose.

Pagsulod g’yud pagbalik ni Charles sa kwarto, iyang nakita kay dan-ag man ang suga gikan sa poste sa kuryente nga nagtukas na gayud sa iyang gisul-ob nga T-shirt si Rose. Mihiyak ang tiyan ni Charles nga nagsud-ong kay wala diay mag-bra si Rose samtang natulog.

Wala tuyoa ni Charles nga tungod sa iyang nakita nakamugna kini og talagsaong pagbati nga inanay’ng nakapahangos kaniya. Mihinay sa paglingkud si Charles sa iyang katre, dayon mihigda paghinay nga wala gayud makamugna og kasikas.

Mitakilid si Charles paatubang sa katre nga gihigdaan nila ni Rose ug Sherlyn. Gibukotan ni Charles og habol ang iyang ulo apan gisiguro niya nga ang iyang mga mata makakita gihapon sa naghigda nga si Rose.

Gipahit ni Charles ang iyang waet tungod sa grabeng kalalim nga iyang gibati. Gipiyong ni Charles ang iyang mga mata ug nabantayan niya nga daw nangurog ang iyang kaunoran. Pagbuka pagbalik ni Charles sa iyang mga mata iyang nakita nga milihok si Rose.

Mitakilid si Rose paatubang sa iyang nahimutangan. Tungod niini nasalipdan sa T-shirt ang wala na untay salimbong nga dughan sa dalaga. Samtang wala na makita ni Charles ang dughan ni Rose, nabantang na usab sa iyang panan-aw ang paa sa dalaga.

Nag-short pants hinoon si Rose. Nahuna-huna ni Charles nga nabatasan tingali ni Rose nga maghigda siya nga walay kauban sa kwarto mao nga bisan unsay iyang himoon baliwala ra. Nakatulog og balik si Charles dihang si Rose milihok ug milukob og habol.

Pagkabuntag, una nga nahigmata ang duha ka dalaga. Taud-taud, nakamata na usab si Charles. “Good morning beautiful ladies, maayo ba ang inyong pagkatulog?” iyang gisukna ang duha.

Taud-taud. “Diha usa mo gaw ha si Rose kay tabangan usa nako si Tiya sa pag-andam sa atong pagkaon,” nananghid si Sherlyn kang Charles. Mitindog si Rose ug miatubang sa salamin, iyang gisudlay ang iyang buhok.

Naghigda lang gihapon si Charles nga nagsud-ong kang Rose. Sa matag lihok ni Rose, mouyog gayud ang bugdo sa iyang dughan nga wala’y bra. “Pwede ka na maligo Rose mentras si Sherlyn mitabang pa ni Mama sa kusina,” giingnan niya ang dalaga. (Sumpayan)