Kusog mamoso Gula 7
Wala madugay miabot si Philipp nga naghatud sa motor aron masakyan nila ni Arnel ug Letlet sa pagsuroy-suroy. Miangkas dayon si Letlet sa motor human nga napaandar na ni Arnel ang motorsiklo.
Human makapananghid sa duha ka dalaga ug ni Philipp, mipasirit pagpadagan si Arnel apan mihunong kini ilawom sa dakung kahoy daplin sa karsada. “Yuna, asa ba ang imong gusto nga manuroy ta Let, total dia man ta’y sakyanan,†matud ni Arnel.
“Dili na lang ta manuroy sa mga mall uy, tudloi na lang ko og drayb. Kamao na man ko’g gamay unsaon pagpadagan, gamay na lang g’yud ang kuwang,†matud ni Letlet.
Nanaug si Arnel sa motor aron si Letlet ang makalingkod sa atubangan. “Suwayi kuno’g padagan, hinay lang ha unya inig-abot nimo sa unahan, balik diri,†ni Arnel pa. Tuod, mipadagan si Letlet. Gamay na lang tuod ang kuwang kang Letlet.
Miangkas na lang si Arnel. “Ayoha pag-drayb ha kay basin madisgrasya ta, simbaku lang,†pahimangno ni Arnel. Tawhay ang pagpadagan ni Letlet, hinoon usahay iya kining abagan sa manobela.
May mga higayon g’yud nga magkadikit ang masi’g nila ka lawas ug hapit na lang gani mahagkan ni Arnel si Letlet. Wala g’yud mosipyat si Arnel, nalipat si Letlet ug nadakin-as ang motor. Nadali hinoon pagtabang ni Arnel si Letlet aron dili madat-ogan sa motor.
Nagkataw-anay silang duha bisan og nakabatyag sila’g sakit sa lawas. “Ingon ana g’yud basta bag-o pa nga mag-drayb Let, makasugat g’yud og aksidente, ayaw ka-discourage,†matud ni Arnel. Gipisil-pisil ni Arnel ang bukton ni Letlet nga mora’g nabun-og, dayon ang bitiis sa dalaga.
“Ikaw, napawot baya ‘sab ang imong bukton. Sori kaayo ha?†matud ni Letlet. “Dili nako igsapayan nga mapangos basta kauban ka lang nako Let,†ni Arnel pa nga padayong naghapyud-hapyod sa bitiis ni Letlet.
“Mapinanggaon ka man diay Arnel.... makapa-in-love ka man ‘sab,†matud ni Letlet nga nagpahiyom. Nakalitan si Arnel nga nakadungog sa gisulti ni Letlet. Mipahiyom ang ulitawo. “Ako ‘sab, dali ra kaayo ko nakat-on nga higugmaon ka,†ni Arnel.
Nagtinutokay silang duha. Daw nagsultihanay ang ilang masi’g ka mga mata. Dayon, wala nila damha nga nakalimot sila sa kaugalingon nga nagaksanay na silang duha. “I love you Letlet... Love you too Arnel.â€
Nasiklapan ni Arnel nga may pangos usab diay si Letlet sa iyang paa. Gibati siya’g kalooy sa dalaga. Iya kining gihapohap apan gigunitan ni Letlet ang iyang kamot. “Ayaw, duol na kaayo na,†ni Letlet pa nga nagpahiyom.
Nakapanglad-ok sa laway si Arnel kay ang kanunay niya giboso nga lawas ni Letlet, karon iya na nga gihapohap. - Kataposan
- Latest
