Kusog mamoso - Gula 5

Pwerteng lingawa sa tulo ka dalaga atul sa pagpanuroy nila ni Arnel. Gitabok-tabok nila ang lainlaing mga dagko nga tindahan dinhi sa dakbayan. Gabii na sila nga mipauli ug walay problema kay gipagamit man kanila ang sakyanan sa uyoan sa mga dalaga.

Lingaw kaayo si Arnel sa ilang pagpanuroy kay nasuod gayud niya si Letlet nga maoy nagustoan niya sa tulo ug walay kalibutan nga naboso kini niya kaganinang kaadlawon. Wala tuyoa ni Arnel nga iya pa nga gidamgo si Letlet nianang gabhiona.

Sa iyang damgo nanuroy sila si Letlet nga sila ra’ng duha ug nasuta niya nga aduna usab kini gusto kaniya. Nagkahigugmaay sila si Letlet sa iyang damgo, apan dihang iya na kini nga hagkan, kalit lang miabot ang usa ka lalaki nga nagpaila nga iyang boyfriend.

Gibunlot niini si Letlet ug gipalayo kaniya mao nga nahitabo ang kagubot tali kanila. Kalit lang nahigmata si Arnel gikan sa halawom niya nga paghinanok. Nakapanglingo-lingo si Arnel nga naghuna-huna sa iyang damgo.

Gipasiklapan ni Arnel ang iyang relo.... alas tres na sa kaadlawon. Wala na lang siya matulog pa kay nakahuna-huna na usab siya nga moadto sa puso aron bosohon ang tulo niya ka higala nga mga dalaga.

Diha si Arnel naglantaw sa kayda sa ilang balay. Apan alas 4:15 na lang sa kaadlawon, wala pa niya malantawi ang tulo ka dalaga. Nagtoo si Arnel nga gipangkapoy sa ilang panagsuroy ang tulo ug tingali dili na kini maligo’g sayo.

Mibarug na si Arnel aron mobalik sa iyang higdaanan aron mopadayon sa pagkatulog. Domingo karon ug wala gihapo’y trabaho si Arnel. Apan nalantawan niya nga may naglakaw paingon sa puso.

Wala siya masayop kay ang iyang mga amiga nga tulo ka dalaga ang naglakaw. Gibati’g kalipay si Arnel ug abtik kini nga nanaug sa hagdan. Hinay ang iyang mga lihok aron dili makamugna og kasikas.

Misuot si Arnel sa kamaisan nga nagduko. Mainampingon pa ang iyang mga lihok. Nakadungog siya nga nagsultihanay ang tulo ka mga babaye.

“Nagmata na ba kaha karon si Arnel. Naa ra man sa unahan ang ilang balay,” matud ni Sonia. “Hala, nakabantay ra ba ko Let nga may pagtan-aw si Arnel nimo kay ikaw ra g’yud ang gisitsikitan niya kagahapon,” gisungog sa laing ig-agaw si letlet.

Nakita ni Arnel nga mipahiyom si Letlet apan wala lang motingog. “Kun manguyab nimo si Arnel Let unsa man imong sugton?” paloap nga pangutana ni Sonia. “Depende,” mobo nga tubag sa dalaga.

Nahimuot si Arnel nga nagpaminaw. - Sumpayan