Kusog mamoso - Gula 4

Nagkasabot g’yud tuod ang tulo ka probinsyana nga mga dalaga nga mosuroy sila sa siyudad sa Sugbo.

“Sigi Ate Son, manuroy ta ug si Arnel ang himoon nato nga guide,” matud ni Letlet. Mipauli si Arnel sa ilang balay aron sa pag-ilis ug mipasalig nga mobalik ra pagkataud-taud.

Dali ra kaayo nga nakabalik si Arnel sa balay ni Caridad nga giestahan sa tulo ka dalaga. Taud-taud g’yud nga nagpaabot si Arnel kay ang duha ka dalaga dugay kaayo nga nangareglar sa ilang kaugalingon.

Si Letlet maoy diha na sa balkon sa balay. Dali ra kini nga nakahuman pag-ilis kay wala gani kini kaayo mangarte sa kaugalingon apan milutaw gihapon ang iyang kaanyag.

Nagkalingaw’g sultihanay si Arnel ug Letlet samtang nagpaabot sa duha niya ka ig-agaw’ng dalaga. Samtang nagtutok si Arnel kang Letlet takulahaw lang nga misantop sa iyang huna-huna kadtong nakita niya dihang giboso niya ang dalaga samtang naligo sa puso.

“Kanus-a kutob ang inyong bakasyon dinhi sa siyudad Let?” gipahimuslan ni Arnel ang pagpangutana ni Letlet. “One week before sa opening sa classes mobalik na kami sa among probinsya Nel,” matud ni Letlet.

Nahuna-huna ni Arnel nga duha pa ka buwan nga sila magkakuyog og si Letlet. “Wala ka ba mingawa sa imong boyfriend nga gibiyaan nimo sa probinsya Let,” ni Arnel pa.

Mipahiyom si Letlet ug mibathay ang kandiis sa aping sa dalaga. “Kanindot g’yud tan-awon nimo nga mopahiyom Let tungod sa imong kandiis,” wala gayud makapugong si Arnel.

Taud-taud, may tawo nga nangayo’g katahuran. Ang uyoan sa mga dalaga ang miabot nga nangita ni Caridad. “Uy, asa ba kamo nga nag-ilis man kining mga gwapa nako nga pag-umangkon?”

Gitug-anan sa mga dalaga nga manuroy sila ug si Arnel ang ilang kauban. “Mao ba? Naa’y usa ka awto atubangan sa balay Arnel gamita ninyo kay aron dili kamo maglisud sa pagsakay-sakay,” matud sa uyoan sa mga dalaga.

Nahinangop kaayo ang tulo ka dalaga. “Kahibalo ka diay mo-drive og sakyanan Arnel?” matud ni Letlet. “Kamao man gani na mo-drive sa iyang uyab,” matud sa tistisan kaayo nga si Sonia.

Nanglakaw dayon ang upat paingon sa balay sa uyoan sa mga dalaga nga dili kaayo layo sa balay ni Caridad. Gipalimpyohan na diay daan ang awto nga ipagamit kanila.

“Ako’y lingkod sa front seat ha kay ako man ang kamanghoran natong tulo,” matud ni Letlet nga nagpahiyom. Gikahinangup kini sa hilom ni Arnel. Misirit dayon sila paingon sa SM City aron mag-window shopping ug magpabugnaw. (Sumpayan)