Kusog mamoso

 â€œSigi Ma, mouban ko nimo sa ilang Nang Caridad para magkaila mi ug sa tulo niya ka pag-umangkong dalaga,” giingnan ni Arnel ang iyang inahan. Human paniudto, nagkuyog sila si Arnel ug ang iyang inahan paingon sa balay ni Caridad.

Layo pa gani sila, nalantawan na ni Arnel ang tulo ka babaye nga diha sa kayda sa balay nagpahayahay. Migawas si Caridad nga nagngisi kay tingali gipahibawo sa mga dalaga nga adunay nagpaingon sa ilang balay. “Uy maayo kay nahasuroy man dinhi kining imong anak-ulitawo Mare,” matud ni Caridad. Mipahiyom si Arnel ug ang iyang inahan. “Dia ko mare tungod sa atong sabot nga magkuyog man kaha ta nga mamalit og ukay-ukay,” matud sa inahan ni Arnel.

“Miuban ‘sab ko ni Mama kay nakadungog ko nga aduna kay mga bisita nga mga dalaga gikan sa probinsya. Gusto ko nga makig-amiga kanila Nang Caridad,” giingnan ni Arnel ang iyaan sa tulo ka dalaga.

Gipasulod sila si Arnel ug ang iyang inahan. Didto sila sa kayda sa balay diin naglingkod ang tulo ka dalaga. “Mao kini ang akong mga pag-umangkon Arnel, kini mao si Lydia, kanang anaa sa daplin si Sonia ug kining kandiison mao si Letlet,” paila ni Caridad sa iyang mga pag-umangkon. Gitagsa-tagsa paglamano ni Arnel ang tulo ka dalaga. Didto mipilit ang iyang panan-aw kang Letlet kay wala gayud siya makalimot sa panagway niini. Mao kini ang naligo nga naghukas didto sa puso kaganinang kaadlawon nga iyang giboso.

Nagkuba-kuba ang dughan ni Arnel nga mitutok ni Letlet. Takulahaw lang nga iyang nahanduraw kadtong nasaksihan niya kaganinang kaadlawon. Wala gayud mosipyat ang panan-aw ni Arnel kaganina kay nindot kaayo’g lawas si Letlet.

Mapahiyumon kaayo si Letlet ug sa matag buhi niini sa iyang pahiyom, mibathay gayud ang iyang kandiis sa duha ka aping. “Kalami nga hagkan sa iyang aping uy,” sa hilom nakatuaw si Arnel sa iyang kaugalingon samtang nagsud-ong ni Letlet.

“Kun gusto mo nga manuroy dinhi sa siyudad, sultihi lang ko ninyo mga chicks kay ako ra’y bahala,” giingnan ni Arnel ang tulo ka dalaga. “Sigi Nel, maayo hinoon kay wala pa gayud kami masuheto dinhi sa siyudad kay taga probinsya gud tawon mi,” matud ni Sonia.

Matag karon ug unya mopasiklap gayud si Arnel kang Letlet. Mora’g wala niya kapugngi ang iyang kaugalingon nga mobati dayon og kaibog kang Letlet. Taud-taud, nanglakaw sila si Caridad ug ang inahan ni Arnel kay mamalit og ukay-ukay.

“Kun manglakaw gani kamo, sirad-i lang ang atong balay Letlet,” matud ni Caridad. – Sumpayan