Pahiyom ni Charisse - Gula 4
Sa hilom gikahinangop ni Charisse ang gihimo kaniya ni Marco nga gigunitan ang iyang bukton kay nabalaka ang ulitawo nga mahulog unya siya sa bung-aw.
“Caring ka lagi kaayo Marc no?†matud ni Charisse nga nagpahiyom nga milingi ngadto sa ulitawo. Nanakay sila pagbalik sa kotse ug mipadayon paingon sa tyanggihan.
Prutas na lang ang gipalit ni Marco kay nahuna-huna niya nga madaut lang ang utanon kay ugma pa man siya mopauli sa siyudad ug iuban niya si Charisse.
Pagbalik nila sa balay nila ni Charisse, nananghid ang dalaga sa iyang inahan nga moadto siya sa kalingawan inigka-gabii ug iuban niya si Marco.
“Sige, mas maayo para malingaw kanang imong bisita ug may kauban ka nga motambong,†matud sa inahan niini nga si Naring.
Pagka gabii. “Ibilin lang ang imong kotse diha atubangan sa tindahan Marc kay maglakaw ra ta paingon sa pikas nga sityo.
Samtang sila naglakaw, nakahuna-huna si Marco nga mangutana sa dalaga kabahin sa iyang lovelife. “Ang imong boyfriend Char, moadto ba ‘sab sa kalingawan karon?â€
“Dili kaayo makaatraka ang mga lalaki nga gusto nga manguyab nako Marc kay maldita ang akong ginikanan ug dili g’yud ko buwagan kun mosuroy og kalingawan,†ni Charisse pa.
Daw dili makatoo si Marco kay dihang nananghid si Charisse nga motambong og kalingawan nga siya ang kauban, wala man kini magdugay, mitangdo man dayon.
“Nahibulong bitaw ko ni Mama kaganina nga wala man magdaghan og langas ug wala pa gani mouban nato,†matud ni Charisse.
May laing nahuna-hunaan si Marco nga ipaagi niya sa komedya ang iyang pagpahibalo sa dalaga nga may gusto siya kaniya. “Basin wala siya’y pagsupak nga manguyab ko nimo ug uyon ra si Mama nimo nga ako’y imong mabana,†ni Marco pa.
Mikatawa si Charisse. Misundog na lang ‘sab si Marco pagpahiyom. “Kataw-anan ba diay Char kun ma-in love ko nimo?â€
“Dili man kataw-anan apan dili katuohan nga ako na la’y daginoton nimo nga usa ka dalaga nga bukidnon ug pobre,†matud ni Charisse.
Anam-anam sila nga nakadungog na og tugtog sa dapit nga ilang gipadulngan. “Kanang naay naghayag dapit sa kalubihan, mao na kana ang atong adtoan Marc,†giingnan ni Charisse si Marco.
Taud-taud, nadungog nila ang tugtog gikan sa sound system. “Ganahan ka ba nga maminaw nianang gitukar nga kanta Char?†giingnan ni Marco si Charisse pagkadungog niya sa awit nga Love Me with all of your heart. (Sumpayan)
- Latest
