Ang Valentine’s Day ni Mayang

Mayang, bisan og edad-edaran na ta kun mouyon ka nga banhawon ug lab-ason nato ang kanhiay’ng  gugma ug pagmahal, isaad ko kanimo nga paraiso sa kalipay ug kamaya nga wala gyod nimo matagamtami sa mitaliwan na nimong bana nga si Minggoy,” amoral nga dalang kablit ni Ingko Simon ning sayong kagabhion ngadto ni Mayang samtang nagtustos kinig tabako.

Manag-uyab silang duha kaniadtong mga batan-on pa sila apan walay swerte kay wala magkadayon kay gitaban man si Mayang ni Minggoy ug si Simon usab na-corner og usa ka babayeng pinaangkan nga si Tonya. Nabiyuda si Mayang taud-taod na kay namatay sa hubak si Minggoy. Si Simon usab nabiyudo napulo na ka tuig ang milabay. Karon pulos na sila  edad-edaran mosayenta anyos kapin na ang ilang pangidaron kun mga senior citizen. Pulos sila wala tugahi og anak.

“Baliwon ka uroy diha, Simon, tiguwang na ta ug nanimaho nang kandila,” tubag nga dalang pangusmo ni Mayang nga nagpabuhot sa tinustos niyang tabako.

“Uy Mayang, ayaw’g sulti og ingon ana samtang may kinabuhi pa ang tawo dili gyod mawagtang ang gugma,” tubag ni Simon nga pilit kaayo og tinutokan ni Mayang. “Isaad ko kanimo nga maka remedyo pa ta’g kaluha isip bunga sa atong tim-os nga pagminahalay,” padayon pa ni Simon samtang nagpanghiram ang iyang walang kamot sa paa ni Mayang nga nakalimot sa pagpanapo niadtong higayona.

Agresibo pa gihapon si Ingko Simon sa sex kay sige man siyang kaon og bakasi ug linubihan nga otan.

Milurat ug mipiyong ang mga mata ni Mayang sa hilabihang kagilok ug kahinam niadtong higayona. Daw nakalimot sila sa ilang kaugalingon hangtod miligid sila’g diretso sa sawog ug gipanangtang ni Simon ang tanang salimbong sa lawas ni Mayang ug didto nila gisaw-an ang himaya nga dugay na nilang gikahinaman ning kalibotana. Miagumod ug mihangos si Mayang ug nakasulti sa hilom,” mao ni’y hustong Valentine’s Day Simon....Aggghhhh.”

Murag gutom si Ingko Simon susama sa usa ka gutom nga liyon nga nakatukob og kan-onon! (Katapusan)