Tam-is, ang ikaduhang gugma

Ika siyam ang takna sa kabuntagon, adlaw nga Domingo ug nahiabot si Saldo sa lubong nga marmol sa iyang anak nga lalaki. Gihalad niya ang mga pongpong nga bulak sa ibabaw sa nitso nitaliwan ang bugtong niyang anak nga si Junior. May pito na ka tuig ang milabay ug birthday karon. Nahinumdom pa siya nga dungan sa paglubong kang Junior uban usab nga nahilubong ang ilang pagminahalay ni Sonia, ang inahan niini.

Nilarga kini sa Amerika aron sa pagpahilayo kaniya ug gipalabi ang mga sugyot sa iyang mga ginikanan ug mga igsoon nga atua na manimuyo didto. Wala siya’y nahimo sa desisyon ni Sonia, igo lang siya sa pagmahay, ug igo lang sa pagduko ug pagpaubos.

“Nganong dungagan paman nimo ang sakit sa akong dughan, pards, giatol pa gyud nimo sa iyang pagkawala, ngano man?”, tingog nga may pagkapaos ug magulang lang sa hinagawhaw ang tingog niya.

“You are now a free man, pards, ug dugay ko na kining giplano naatol lang nga namatay si Junior, cool off, una ta panahon na siguro nga matimbang timbang nato kun para ba gyud ta sa usa’g-usa,” tubag ni Sonia kaniya.

Naputol lang ang paghanduraw niya sa dihang may nipara nga Pajero atbang sa lubong ni Junior. Si Sonia, wala siya nasayop si Sonia ang nanaug ug nagdala og bulak. May kaubang batang babae, nihinay kini pagduol kaniya ug gipatong usab ang dalang bulak sa nitso ni Junior. Nabag-ohan siya sa dagway niini nga mapahiyomon nga ni atubang kaniya.

“Engineer Dela Cruz, kumusta kana it’s about time to heal our wounds, ania ako after       seven  years to make a decision ug nibalik na ako kanimo uban ang atong anak si Criselda,” pintok ang mga pulong ni Sonia.

“Mommy, siya diay si daddy, wow, daan pa lagi ko gwapo ang daddy ko” dayon dagan padulong ni Saldo ug nigakos kaniya. Daw dili siya katuo sa gipamulong sa bata.

“Oo anak, siya ang daddy mo ug ayaw ikahibulong pards duha siya kabulan sa akong tiyan sa akong  paglarga,” matud ni Sonia dayong gakos kang Saldo. Wala na ang pagduha duha sa iyang kaugalingon nigakos usab siya og hugot kang Sonia ug sa iyang anak nga malipayon.

“Salamat, Lord. Nihagawhaw siya dayon hangad sa langit ug sa lubong ni Junior. Salamat usab anak karon magmalipayon na kami ni mommy mo ug sa imong igsoon mas tam-is na karon ang among pagminahalay, sa ikaduhang higayon. (Kataposan)