Wala ra masulod

Dear Tita Salie,

Maayong adlaw, Tita. Manghinaot ko nga malipayon ka sa imong kinabuhi ug hinaut nga madasigon ka kanunay sa imong pagtabang kanamo nga dunay mga suliran.

Just call me Ms. Gemini, I am still single, Tita, ug dunay boyfriend. 6 months na ang among relationship ug duna nay nahitabo kanamo.

May nahitabo na kanamo, Tita, apan tungod lagi kay mga bata pa ming duha mora og dili pa gyod mi kahibalo sa pagpakighilawas. Tungod kay wala man gyod masulod ang iyaha, Tita. Diha ra man sa gawas kutob. Mangutana lang ko, Tita, kun nakuha na ba ang akong  pagkababaye bisan kun wala na masulod?

Karon, Tita, magsige ra ba siya og panghagad kanako, Tita. Gusto niya nga among usbon ang among gibuhat tungod kay maoy iyang gusto nga masulod na gyod ang iyaha, Tita. Love kaayo nako ang akong boyfriend apan mahadlok man ko nga madayon na gyod tungod kay dili pa gyod ko andam niining mga butanga. Mahadlok pod ko nga mabuntis kay segurado gyod nga kasab-an ko sa akong mga ginikanan.

Naglibog ko, Tita, kun unsay akong buhaton. Mamahala na lang kaha ko ug dili gyod ko mosugot sa gusto sa akong uyab? Palihog pasabta ko sa angay nakong buhaton. Thank you so much and more power.

* * *

Good day. Depende kun unsay mong buot ipasabot sa pulong “nakuha”. Siyempre kun imo na nga nahatag ang imong kaugalingon ngadto sa usa ka lalaki  ug wala kini niya balibari of course nakuha ug gikuha na niya ang imong pagkababaye.  Apan kun ang imong virginity ang buot nimong ipasabot, since wala man kini masulod, wala pa gyod mabungkag ang imong hymen, busa, virgin pa ka physically. Pero in spirit dili kana virgin tungod kay imo na mang gihatag ang pagtugot nga makuha ang imong pagkababaye.

Palihug ayaw una ninyo dali-dalia. Maoy hunahunaa nga ang maong buhat dili ka duwaduwaan tungod kay duna kini responsibilidad nga nagpaabot sa unahan. Ug nasayod ko nga dili pa gyod mo andam, labina ikaw kay bata pa kaayo ka, moatubang sa maong responsibility. Kay kun inyo kanang ipadayon ug magpadala ka sa iyang pagsige og hagad kanimo, tingali unya kun mabuntis ka. Andam ka na ba diay nga mabuntis ug mamahimong usa ka inahan? Hunahunaa gyod kini pag-ayo.

Ampingi gyod ang imong pagkababaye. Ihatag lamang kini ngadto sa usa ka lalaki nga maoy nidala kanimo ngadto sa altar sa kaminyoon. Seguro gituyo gyod nga wala pa masulod kay dili ka pa andam niini.

-- Tita Salie