Goodbye is not Forever Gula 64

“Kun mopauli na unya si Josheba, Albert,” namulong si Vanessa nga nakapaigking kang Albert,” wala na tingali usab ako dinhi. Mopalayo ko dinhing dapita.”

“Asa ka man diay?” ni Albert pa nga migunit sa suwang sa babaye.

“Wala koy idea kun asa ko ug unsay akong buhaton,” ni Vanessa pa.

“Pero dili maayo nga imo kong hunahunaon. Ayaw hasola ang imong hunahuna mahitungod niana. Dili nato himuong masulob-on kining atong panag-uban karon. Maoy akong gusto nga malipayon ta bisan sa pila lang ka gutlo nga nagkauban ta.”

Nakasabot si Albert sa pasumbingay ni Vanessa. Sa laing higayon gidawat niya ang hagit nga gitunol sa babaye sa iyang pagka-lalaki.

Ang pagtagay nila sa katam-is ilang gipadayon. Ang dugosnong ritwal sa makausa pa, ilang gitambayayongan paghatag og kinabuhi diha sa tagsatagsa nila ka kaugalingon.

Namatud-an ni Albert nga expert na si Vanessa sa maong matang sa dula. Sa misunod nga mga hugna sa ilang kombate, ang babaye na maoy mipa-ibabaw kaniya. 

Makadaghan nila subli-sublia pagkatkat ang kinapungkayan sa himaya. Ug matagbawon sila nga nahugno gikan sa makutas nga sambunot. -- Sumpayan pa