Goodbye is not Forever
Gula10
Nahibulong kini sa gipakita niyang mga lihok karon. Sayo pa sa kabuntagon ug mihagad gilayon siya pagpakig-inom niini. Dili ginhapon nga iya kining buhaton.
“May problema ka ba, Brod?” nangagpas sa pagsukit si Eking kaniya.
Usa ka halawom nga panghupaw ang gitubag ni Albert. Apan kadto igo na aron makasabot si Eking sa gibati sa ulitawo niadtong higayona.
“Unsa bay nakahasol sa imong hunahuna?” ni Eking nga nakatino na nga may suliran ang iyang higala. “Tingalig may ikatabang ko.”
Wala gihapon motubag si Albert. Giipisan niya’g beer ang iyang baso ingon man ang kang Eking.
“Inom una,” agda ni Albert kang Eking dungan ang pagtudlo sa usa ka baso sa Colt 45 nga gipatong sa ibabaw sa lamesa.
Nahadiyong ang mga mata ni Eking nga nagtan-aw kang Albert nga miyarok nga wala gayod itunghak hangtod nga nahurot ang tanang sulod sa baso. Unya giipisan na usab ni Albert ang iyang baso ug gitinubig lang sa pag-inom ang Colt 45.
“Unsa ba gyu’y problema mo, Brod?” subling nangutana si Eking human tungaba ang giinom nga pahat niini. “Sultihi ko. Unsaon ko pagtabang kanimo kun dili mo ako sultihan sa matuod.” -- Sumpayan pa
- Latest
