Langgam sa Kagabhion Gula 33

Natagbaw tingali ang kanahan sa akong gibuhat kaniya kay gibayran man ko niya’g doble sa presyo nga among gikasabotan. Nalipay ko.

Giingnan pa gyud ko sa maong kano nga magsuki na kuno kami. Misanong ko. Nganong dili nga mobayad man siya sa husto? Kuwarta goy tuyo ko.

Giganahan gyud og maayo ang kano sa akong style kay ingon sa nahigalam man siya kanako. Katulo sa usa ka semana namong tagayon ang dugos sa himaya kay matud niya nga naadik siya nako.

Tungod kay gusto ko niyang ka-partner kanunay sa kama, iyang gikuha ang akong cellphone number. Maoy iyang gusto nga mo-text na lang siya o kaha motawag kun gusto niya ang akong serbisyo.

Bisan asa ko niya dad-on, kay maoy iyang gusto nga lain-lain ang venue samtang among tagbawon ang among kaugalingon sa lawasnong kalipay. Duna pa gani higayon nga iya kong gipaadto sa iyang balay ug didto niya gikuha ang akong serbisyo.

Bulag diay sa asawa ang maong amerikano ug nag-inusara lamang siya sa iyang gipuy-an. Duna lamang siya’y negosyo sa among dapit sa Dumaguete City mao nga nia siya mipuyo.

Gisuwerte ko sa maong amerkano kay gawas nga buotan siya nga pagka-kustomer, dagko pa gyud kaayo siya’g hinatagan nga usahay mobati na hinuon ko’g kaikog kaniya.

Tungod sa kadako sa akong kita sa pagbaligya sa akong unod ngadto sa hangol nga kalalakihan, miuswag gayod ang akong kinabuhi. (Sumpayan pa)