Hindi alam ni Ate

Dear Tita Salie,

Have a wonderful day. I am an avid reader of your column, Tita. And I really enjoy reading your advice. Daghan ko’g makuha nga mga teknik kun unsaon nako pagpadagan ang akong kinabuhi.

By the way, just call me Laurence, from Bogo, Cebu, 19 years old and I am proud to say that I am a gay.

Yes, gay ko, Tita, and as of now I have a boyfriend, tawgon lang nato siya sa pangalan nga Mark. Taudtaod na ang among relasyon, Tita, tuig na kapin. Ug malipayon kaayo ming duha ni Mark kay pinangga man ko niya ug pinangga ko usab siya.

Kini si Mark, Tita, may kapatid na babaye, at tawagin lang natin siya sa pangalan na Myla. Itong si Myla ay may gusto sa akin. Dili sa pagpanghambog may hitsura ko, Tita, sakto og pamarog ug medyo maputi. Pero si Myla wala gyud masayod nga babaye diay ang sulod sa maong ambongan nga lalaki nga mao ako. Ug wala usab siya masayod nga duna kami relasyon ni Mark nga iyang igsuon.

Mao nga naglibog gyud ko karon, Tita, kun ano ang dapat kung gawin. Palihog pasabta ko. Thank you very much and God bless.

* * *

Dearest Laurence,

Dili tungod kay dunay gusto nimo ang tawo imo usab siyang panguyaban. Tungod kay kun mao kini nga prinsipyo ang atong sundon gubot kaayo ang kalibotan. Susama ra nga dili tanang nindot ug barato kinahanglan nimong paliton tungod kay kun mao kini ang imong buhaton wala ka gyu’y kuwartang matigom. Dili tanang nindot ug barato para imo. Paliton lamang nimo kun ang maong butang dunay kapuslanan kanimo ug tinuod nga imong gikinahanglan.

Sa imong sitwasyon karon, ayaw ka problema niana tungod kay wala’y problema. Ang problema anaa ra gyud sa imong hunahuna. Ngano man diay kun naibog ang ate ni Mark kanimo? Bisan pa kun ang tanang babaye maibog kanimo kay guwapo ug buotan ka wala ka nay problema ug wala kay angay problemahon.

Ang imo lamang buhaton mao nga imong ilhon ang imong kaugalingon. Unsa ka, kinsa ka ug unsay imong gusto sa kinabuhi. Nahigugma ka ba diay sa ate ni Mark? Pasagdi kun naibog siya kanimo, pasalamati siya sa iyang pag-admire nimo. Ug dapat imong sundon kun unsay gipitik sa imong dughan. Ayaw kahadlok nga ilang mahibaw-an ang imong pagkatawo. As the saying goes “Truth will set you free.”

Busa pasagdi sila nga makaila sila kanimo. If you prefer to be a gay, sunda ang imong kasingkasing. -- Tita Salie