Langgam sa Kagabhion

Gula 22

Wala madugay dihay laing kustomer nga miduol kanamo. Nakigsulti kini kang Eva. Ug wala ko masayop sa akong pangagpas. Ako gihapon ang nakursonadahan sa maong lalaki.

Dayag kaayo nga gi-deal na usab ako ni Eva sa lalaki nga miduol ug nakig-estorya kaniya. Nagpakaaron ingnon lang ko nga wala maniid sa ilang mga lihok. Diri kanako nagpaatbang ang maong lalaki samtang naghunghongay sila si Eva.

Ako usab nga namatikdan nga nagsige og pasiplat si Eva diri kanako nga mora og iyang gipasegarbo ang akong pagkatawo sa maong lalaki.

Wala ko kasabot sa akong gibati mora ba og gamay na kaayo ang akong pagtan-aw sa akong kaugalingon. Dili halayo kun itandi ako sa usa ka mananap nga gibaligya sa tag-iya.

Kalit misenyas si Eva kanako pinaagi sa thumbs up. Nasabtan nako ang buot niyang ipasabot sa iyang senyas. Buot niyang ipasabot nga naka-close na usab niya ang maong deal sa lain nakong kustomer.

Misugod na usab pagkuba ang akong dughan dihang gitawag ko ni Eva ug gipailaila sa lalaki.

Sa ikaduhang higayon, gidala ako sa usa ka kustomer ngadto sa usa ka pribadong lawak sa motel.

Sa didto na kami sulod sa lawak, gipakaligo ko niya. Naligo usab siya. Nagdungan mi’g sulod sa banyo. Nangaligo pa gani kami, nagsugod na sa iyang gibuhat ang lalaki. -- Sumpayan pa