Holding hands

Dear Tita Salie,

Hello and how are you, Tita? Just call me Ronnirpac, usa ka dalaga. Kanunay gyod ko nga mobasa og Banat News labina ang imong column kay maka-relate man ko, Tita, ug ganahan man ko sa imong tambag. Mao nga daghan kaayo ko og gustong patambagan kanimo apan dili lang nako tingbon.

Duna koy boyfriend, Tita, ug one year na ang among relasyon. Sa pagsugod sa among relasyon dili pa gyod nako siya love. Apan ako lang siyang gisugot aron malingaw ko sa akong kinabuhi. Hangtod nagkadugay ang among relasyon ug nailhan nako ang iyang pagkatawo. Buotan kaayo siya, pormal, dunay respeto ug seryoso nga tawo. Tungod sa iyang mga nindot nga batasan na-develop ko niya, Tita, ug love na nako siya kay love man kaayo ko niya.

Akong nahinumdoman, Tita, dihang first time nga gikoptan sa akong boyfriend ang akong kamot nag “holding hands” mi, wala ko kasabot sa akong gibati, Tita. Mora ko og kakuyapon ug matud sa akong boyfriend nga namugnaw kuno ko ug nangluspad. Matud usab niya nga gikulbaan usab siya.

Nganong ingon man niadto ang among gibati, Tita? Dili gyod nako masabtan. Palihog pasabta ko. Thank you very much and God bless. -- Ronnirpac

* * *

Hi, Ronnirpac,

Natural lamang ang imong na-feel nga kakulba ug ang imong pagpangluspad dihang nag-holding hands mo sa imong boyfriend. Ako usab mismo sa akong kabatan-on niagi gyud niana. And I think kitang tanan niagi niani. Mao kana ang nakanindot sa “first time” nato nga experience sa maong buhat. Samot pa gyod niini ang first kiss. Kulbaan ka usab ug mora’g mukaging ka samtang nag-kiss mo sa imong boyfriend.

Ingon niini ang atong ma-feel isip reaction sa atong lawas. Tungod ang atong lawas na-influence usab sa atong feelings. Tungod sa impact niini, uban ang kulba-hinam nga pagbati mao kana nga mora ta og mogahi ug wala masayod kun unsay buhaton, tungod kay dili pa kita sinati.

Apan imong maobserbahan nga sa sunod ninyong holding hands o sa kadugayan ninyong sige og holdings hands wala na maong feelings, tungod kay na-orient kana sa maong buhat. Sa first time anaa ang excitement ug thrill uban niini ang kilig. Busa lahi ang impact dinhi kanato.

Busa ayaw lamang kini og hunahunaa pag-ayo tungod kay dala lamang kini sa package sa inyong first time experience. -- Tita Salie