Saktosakto ra, pero mubo

Dear Tita Salie,

Have a good day. I just hope nga imo kong matabangan sa akong problema. Tawga lang ko og Mr. Virgo, ulitawo ug duna ko’y mga uyab.

Ang akong problema, Tita, kabahin kini sa akong buhi. Dili siya gamay apan dili usab dako. Saktosakto ra ang gidak-on, ang problema lang gyod ka’y mubo.

Nagproblema gyod ko sa akong nadunggan nga mga estorya gikan sa akong mga kaila nga kun gamay kuno o kaha mubo ang buhi sa lalaki dili kuno makapaanak. Tinuod ba kini Tita Salie?

Usahay makatuo ra ba ko kay daghan na ang mga babaye nga akong gikarelasyon ug hangtod karon bisan kun magsige mi og sex pero wala man sila mabuntis. Duna ba gyo’y scientific nga explanation ang ilang mga gipangsulti?

Kun maminyo ko, Tita, gusto gyod ko nga makabaton og anak kay mas maayo man gyod sa pamilya kun dunay anak o mga anak.

Unsa may akong buhaton, Tita, aron makaanak ko nga mubo man gyod ang akoa? Puyde ba kaha kining patas-on? Unsa man kaha? Palihog pasabta ko ug tabangi ko. Daghang salamat sa imong pagtagad. God bless.

-- Mr. Virgo.

* * *

Dear Mr. Virgo,

Dawata ug mahala kun unsay gihatag kanimo gikan sa Dios. Ayaw tuohi ang estorya sa imong mga kaila kay wala kini kamatuoran. Walay scientific explanation ang ilang estorya. Ug dili gyod kini tungod sa gigamyon o gitas-on nga dili makaanak ang usa ka lalaki. As long nga makasulod ang sperm cell ngadto sa babaye ug hinog usab ang itlog sa babaye posible gyod nga mabuntis ang babaye.

Daghan kita og plano sa kinabuhi ug gusto nato nga matuman gyod kini. Ug kanunay natong makalimtan nga nag-agad ra diay ta sa kabubut-on sa langit. Mao kun dili gani ihatag ang atong gusto magyawyaw kita sa punto nga makapangutana kita kun duna bay Dios.

Seguro, Mr. Virgo, dili pa ang hustong higayon nga duna kay anak. Hinungdan nga bisan kun daghan na ang imong giturjak apan wala pa gyod sila mabuntis.

Ayaw una kini og hunahunaa, ug ayaw una kini hatagi’g gibug-aton sa pagkakaron. Maoy atimana ang imong kaugalingon, ug pag-andam alang sa imong maayong kaugmaon. Yes, tinuod nga mas nindot gyod ang pamilya kun dunay mga anak. Apan ang anak mosunod ra kini, o mogawas ra kini kun ikaw minyo na ug andam na nga mobarog alang sa imong kaugalingong pamilya. Kay ang anak ihatag kini isip gasa alang kaninyo nga nagminahalay.

-- Tita Salie