Dear Tita Salie,
Have a wonderful day. I really appreciate the way you give your advice and explanation sa mga tawo nga concern. Among masabtan ang tanan kun nganong ingon kami niini kay imo mang hatagan katin-awan ang mahitungod sa among kinabuhi. Labina kaming mga batan-on nga daghan pa kaayo og angay mahibaw-an ilabi na sa paghimo og desisyon alang sa among life.
By the way, I am Miss Hopeless. And my problem is about my boyfriend. Dalaga pa ko Tita, ug nagtungha pa lang.
Kining akong uyab, pag-una wala gyod ko’y gusto niya. Sa bag-o pa mi nga nagkaila wala ko’y bisan gamay nga pagtan-aw niya hangtod nga nanguyab siya nako. Sa sige namong estorya, dangtan 1 ka bulan, mora og na-develop ko niya kay ganahan na man ko nga makig-estorya niya, busa ako siyang gisugot.
Hangtod nga nagkaanam gyod og develop ang akong gugma niya. Ug karon love na gyod kaayo nako siya. Apan ang problema, Tita, kay wala na man siya’y time nako nga iyang uyab. Panagsa ra mi magkita ug panagsa ra mi mag-talk sa phone. Feeling nako uyab ra mi kun mag-estorya sa phone kun dili mi mag-talk mora ra sad og wala.
Naglibog ko sa among sitwasyon. Unsa may akong buhaton? Palihog pasabta ko. Thank you very much and more power. God bless. -- Miss Hopeless
* * *
Dear Miss Hopeless,
Ayaw tan-awa ang imong kaugalingon nga pagkabutang, ayaw pag-demand sa imong boyfriend mahitungod sa inyong relationship. Kay dinhi nga stage sa relationship imong matun-an ang batasan ninyong duha. Busa ayaw siya apikiha kay kun imo siyang apikihon tungod sa imong mga demands kaniya mamahimo siyang plastic ug walay laing buhaton kun dili ang pagtuman sa imong gusto aron dili nimo siya biyaan.
Ang imong buhaton mao ang pagpangutana kaniya kun unsay iyang mga bulohaton sa ilang panimalay. Kun nagtrabaho siya, unsay iyang lingaw-lingaw human sa iyang trabaho. Imo gyod siyang ilhon pag-ayo kun asang dapita siya, sa uban niyang mga oras nga wala siya sa ilang balay ug wala usab siya kanimo.
Dili kita makahukom dayon nga wala siya’y gugma kanimo tungod kay wala siya’y panahon. Dapat una nimong mahibaw-an kun duna ba siya’y budget. Kay makauuwaw sa lalaki nga makigkita sa iyang girlfriend nga walay kwarta. Kay unsaon na lang kun maabtan kamo sa oras nga tingkaon atol sa inyong date. Wala siya’y money nga ipalit og pagkaon. Busa maglikay na lang siya. Mao nga imo siyang usisahon aron imong masayran ang tinuod nga hinungdan. -- Tita Salie