Marunong pa sa kapitan

Mga tuig pa lang nahimong kapitan sa barko si Delio. Magbiyahian sa Uropa ug America ang iyang barko ug daghang mga babaye ang mosugat matag dunggo niya sa pantalan. Itum ug puti. Anak pinaangkan si Delio ug bugtong anak ni ‘Ya Sidra nga kanhi labandera sa palikerong amahan.

Namatay ang iyang amahan nga ulitawong gulang samtang si ‘Ya Sidra wa gyud maminyo ug gibuhi si Delio sa kaugalingon niyang panlimbasug hangtud nga nahimong kapitan sa barko. Tulo sila ka magsuon sa gawas sa lainlaing babaye ug sa kanilang tulo, si Delio medyo liwat sa ilang amahan. Kugihan sa babaye labi na nga mamords....!

Kini ang gikagul-an ni ‘Ya Sidra sa iyang bugtong anak nga si Delio nga kiat kaayo sa mga badyikdyik. Mao nga sa pagdunggo ni Delio sa Sugbo, misugat si ‘Ya Sidra ug dayon gi-ingnan si Delio:

“Anak, pagminyo na uyyyyy! Gusto ko nga anhi ka maminyo sa ato ug taga-probinsiya ang pilia kay inosente sa kinabuhing siyudadnon....!” Igo lang mipahiyum si Delio sa gisulti sa inahan.

Pila ka bulan ang milabay, midunggo na sab pagbalik si Delio sa Sugbo. Sa gihapon, misugat sab si “Ya Sidra. Malipayon miingon si Delio sa iyang inahan:

“Magminyo na ko ‘Nay karong bulana. Naay tindera sa Gaisano Carcar, taga-bukid maoy akong pangasaw-on. Elai ang angga ug Eladia ang ngalan...!”

Namaye si Delio uban ang iyang inahan sa bukid nga gipuy-an ni Elai. Layo kaayo sa lungsod ang pinuy-anan sa ilang gipamay-an nga gikutasan gani pagbaklay si Delio ug iyang inahan. Sumala sa gikasabutan, grande ang kasal nila ni Delio ug Elai. Ug didto himoa ang kasal sa dakong hotel nga may restaurant sa ubos.

Daghang mga bisita ang mitambong sa kasal nila ni Delio ug Elai. Mga tawong inila sa katilingban. Gitimbaya nila ang matag bisita nga nangaon sa lamisa. May kalingawan sab nga milingaw sa mga bisita ug samtang naglingawlingaw ang nanambong, misibat sab dayon ang kinasal ug misaka sa hotel.

Didto sulod sa lawak sa hotel gisakwat dayon ni Delio si Elai ug giukoban ang ngabil. Wa pa gani kailis sa sinina, mihigda sa katre si Elai ug namulong: “Kapitan, unsay gusto mong posisyon: Estribor o pabor....?”

Sa dakong kahinam, mitubag si Delio: “Uyyy, akong asawa nga taga-bukid! Marunong pa sa kapitan...!”

Ug gikupogan dayon si Elai.

“Hinayhinay lang kapitan...!”

Sa dayon nang tusdik ni Delio kang Elai: “Agayyyy..., umppp....!” Miping-it sa wa hisabting kalami si Elai ug ang kabugnaw sa lawak maoy bugtong saksi sa kalami ug hangos sa ilang honeymoon niadtong higayona. (Katapusan)