Married na

 Dear Tita Salie,

Have a nice day. I just hope that you are always in good health ug hinaut nga happy ka always. I’m Jen, 18 years of age, single pa ko apan dunay hinigugma nga maoy naghatag og kahasol sa akong kinabuhi karon.

Tagoon lang nato sa pangalan nga Mr. Jay ang akong boyfriend kay daghan ra ba ang nakaila kanamo, Tita. Dili lang ko ganahan sugsugon, kay kining akong mga barkada pulos gyod sugsogan. 20 years old na si Jay, Tita Salie.

Nahibulong lang gyod ko niya kay dihang bag-ohay pa lang ang among relasyon, 3 months pa lang kami permi ko niyang paadtoon sa ilaha. Kanunay ko niyang ikuyog didto sa ilang balay. Apan dihang nadugay-dugay na ang among relasyon nausab na man siya. Dili nako niya paadtoon sa ilaha, ug daghan na kaayo siya og rason. Bisi pa kuno siya sa iyang trabaho.

Ako lang siyang gisabot, Tita Salie. Hangtod kausa dihang akong gitan-aw ang iyang facebook akong nakita nga married na ang iyang status. Tungod sa akong ka-shock ako siyang gipangutana bahin niini. Matud niya nga ang babaye iyang ex ug iyang gituyo aron daw iyang masayran kun unsay reaction sa iyang mga classmates.

Gisakitan ko, Tita. Pero human niadto iya ra sad nga gi-change into single ang iyang status. Love kaha ko niya, Tita? Unsa may akong buhaton? Palihog pasabta ko. Thank you. More power. -- Jen

* * *

Dear Jen,

Unsa may imong feeling kun dad-on ka sa imong boyfriend ngadto sa iyang panimalay? Makadugang ba kini sa imong confidence as girlfriend niya? Makaingon ba ka nga dunay seguridad nga kamo gyong duha ang magkadayon? Nangutana ko niini tungod kay wala ko kasulay niini. Kay kasagaran ang ako mang love ang moadto sa amoa ug nakigsuod sa akong pamilya. Nadala ko sa ilaha dihang iya kong gipaila isip iyang pangasaw-unon.

Ayaw lamang hatagi og dautang kahulogan ang wala na niya pagdala kanimo ngadto sa ilaha kay wala kita masayod sa hustong hinungdan. Tingali kun wala na mosugot ang iyang ginikanan nga magdala siya og babaye ngadto sa iyang panimalay. Ug kun iya dayong giusab ang iyang status sa facebook from single into married, and back to single, ayaw usab kini hatagi’g  igong gibug-aton. Tungod kay daghang mga information diha sa facebook nga dili tinuod ug puydeng ilis-ilisan. Igo na kadtong iyang gibalik into single ang iyang status dihang imo siya  nga gipangutana. Tan-awa lamang ang tinuod niyang kinaiya ug pagkatawo everytime nga kauban nimo siya. -- Tita Salie