Tanod nga tulisan

Nahilambigit na sab og kontrobersiya ang tanod nga si Gerry, pag-umangkon ni Tomas barangay kapitan sa baryo Ayan. Nakadawat karong buntaga ang kapitan og sulat sa abogado sa biktima ni Gerry. Bag-o pa lang gani ang kapitan nga nagpiyansa ni Gerry tungod sa kasong drug pushing. Nagpangagot ang bag-ang sa kapitan nga nagbasa sa sulat sulod sa session hall sa barangay hall. Nagkanayon ang sulat ni Atty. Julito The.

“In behalf of my client Mr. Clint Eastwood, I would like to request for your intercession for the return of the wallet of my client containing P11,000 and all its contents. He had been illegally searched and arrested on July 21, 2012 by your Tanods, among others Gerry Bush. Tanod Bush took the wallet and money of my client on the occasion of the illegal search and seizure. That is pure and simple robbery, aside from falsely accusing my client of having possessed prohibited drug, motivated by extortion.

“You, being the commander of your tanods, have the command responsibility to order Mr. Bush to return the money and property of my client forcibly taken by him. That is why I am writing this humble request if not too much for the asking.

“We are giving Mr. Bush ten (10) days from your receipt of this letter to return the property and money of Mr. Eastwood. After that period, if we do not hear from him, Mr. Eastwood will file criminal charges of robbery etc. against Mr. Gerry Bush.

“I am writing this as a courtesy call to your Office as we believe that you do not tolerate the illegal activities of the tanods under your command.

“Kinsa man ni si Clint Eastwood?” sukot sa kapitan ngadto sa tanod nga pangabaga ni Gerry, nga maoy nakadawat sa sulat dayon nipasa ngadto sa kapitan. “Ulitawong guwang na Capt. Unya naagian namo sa among pagpatrolya nga daghang bisitang mga babaye sa iyang balay. Saba kaayo sila. Giplanteran dayog usa ka shabu ni Gerry. Labi na nakadungog siya’g tabi nga nahalinan og yuta nang tawhana nga bag-o lang nagpuyo anang giabangan niyang balay. Wa gani namahin si Gerry sa iyang nagordo. Na-detain na ron na si Eastwood kay wa man mohatag og setenta mil nga piyansa nga maoy gisitar ni Gerry.”

“Pila man mo ka buok nagpatrolya adtong gabhiuna?” sa kapitan. “Lima” ni Rudy. “Kinsa mang mga tanod kauban ninyo?” ni Tomas. “Sila si Greg, Dante, ug Bentot” matud pa sa tanod. “Tawga silang upat. Karon dayon. Kay sutaon nako kun kinsang ideya nga planteran si Mr. Eastwood. Dilikado ni inyong gibuhat. Kay kun makapanistigos ang mga bisitang babaye nga wa sila nag-shabu ug nikalit lang tunga ang shabu pagtunga ninyo, kamoy malagoso ini!” matud sa kapitan.

Nangluspad ug gipaningot ang lima ka tanod paghiabot nila sa barangay hall. Nagtinan-away ang lima. Ug daw nagkasabot na kun unsay ilang isulti sa kapitan. Gipalaray sila’g lingkod sa kapitan sa taas nga lamesa sulod sa session hall. Unang gipangutana si Gerry sa kapitan. “Pilay sulod sa pitaka ni Mr. Eastwood?” sukot sa kapitan sa pag-umangkon. “Wa may sulod Tiyo” ni Gerry nga wa pa kahilam-os ug tataw nga bag-o pang nagmata. Nahikatawa ang upat ka tanod nga naminaw. Kay kalala bang kawatana nga nabitik man dayon sa pangutana. “Iuli ang pitaka ug sulod niini kun may nahibilin pa. Ug pangita’g paagi nga mabuhian ang inyong gidakop. Kay kun mosumbalik nag kiha ninyo, ambot lang unsaon ninyo’g panagang!” ni Tomas. Dayong hingilin sa lima gawas sa barangay hall. Gisapot siya karong buntaga tungod sa kabadlongon sa iyang mga tanod. (Kataposan) (Alang sa magbabasa nga gusto’g libreng kunsulta, dad-a ning pahina sa sugilanon sa opisina sa tagsulat. Iatol og Sabado sa buntag)