Gustong pabulagan

Dear Tita Salie,

Have a blessed day. Just call me Lee, 26 years of age. I’m married for almost 8 years na. But it’s sad to say nga sa akong kaminyoon dili gyod ko makaingon nga successful ko or ang akong married life tungod kay dili gyod mi magkasinabot.

Dili ko gusto nga magkabulag mi sa akong bana tungod kay dili ko gusto nga mabungkag ang among pamilya ug pagpuyo, busa kanunay ko na lang siya nga gisabot bisan kun lisod siyang sabton.

But one time, Tita, nga wala na ko damha nagkita mi sa usa sa mga suitors nako kaniadto. Ug nagka-bonding as a friend ra unta ko pero nanguyab siya pagbalik nako tungod kay nasayod man siya sa akong kahimtang. Naluoy siya sa akong kaminyoon og gusto niya nga malipayon ko. Karon naglibog ko kay I feel inlove with this guy na ra ba, Tita. Pero karon wala na siya dinhi kay tua man siya sa laing nasud nagtrabaho. Pero padayon gihapon ang among communication. Ug magsige siya og ingon nga pabulagan na lang nako ang akong bana kay dili man gyod mi magkasinabot. Mao kini ang akong gikalibogan, Tita. Unsa may akong buhaton? Palihog pasabta ko. Daghang salamat sa pagtagad. -- Ms. Lee

* * *

Dear Ms. Lee,

Kasagaran gyod kini nga mahitabo nga kun gikan kita sa kaguol dali ra kaayo nato nga ma-appreciate ang gamay’ng kalipay nga atong makit-an. Dali ra kaayo tang ganahan sa tawo nga mi-comfort kanato, ang mihatag kanato og hinungdan aron kita mopahiyom pagbalik. Tayming gyod kaayo ang pag-abot sa imong suitor kaniadto tungod kay nanginahanglan ka man ug kasumbongan sa imong gihambin nga suliran. Tungod kay duna siyay tinguha kanimo kaniadto iya dayon nga gipahimuslan ang kahigayonan. Gamay lang nga comfort aron moluag ang imong gibating kayugot ug kahiubos, mipahiyom ka na kaniya, ug sa hinayhinay nahulog na ang imong kabubut-on kaniya.

Hunahunaa pag-ayo, Ms. Lee, kun nganong wala siya nimo sugta sa una dihang nanguyab pa siya kanimo? Of course, wala nimo dawata ang iyang gugma tungod kay mas maayo gyod ang imong bana sa tanan nga nanguyab nimo, ang imong bana gyod ang pinaka the best, dili ba?

Klaro lang kaayo nga kun wala kay kalagot sa imong bana ganahan gyod ka niya. So, paningkamoti nga mobalik ang inyong maayong relasyon. I am sure nga misunderstanding lang ang hinungdan niana. Kun nitambag ang imong suitor nga pabulagan ang imong bana tungod kay duna siya’y tinguha kanimo. Ug dili sakto ang iyang gitambag kay minyo ug kasado kamong duha sa imong bana. Kalimti na kadtong imong suitor aron walay disturbo sa imong hunahuna ug maka-focus ka na sa imong pamilya. -- Tita Salie