Mo-comment gihapon

Deat Tita Salie,

Have a grace-filled day. I just want you to call me Joy, single and I have boyfriend. Ang akong problema mahitungod sa akong boyfriend, Tita.

Maglagot man god ko niya kay duna siyay ex-girlfriend ug matud niya nga wala na sila’y communication kay layo naman kaayo ang gipuy-an niini. Pero ako man god siyang nakit-an nga ni-comment lang gihapon siya sa Facebook sa iyang ex-girlfriend. Unya siyempre, kun mo-comment ka, Tita, meaning ana nag-open lang gihapon siya og paagi aron duna sila’y communication.

Mao gyod kini ang akong gikalagotan niya. Siyempre, anaa ang pagselos nako. Kay magsige man siya og ingon nga love kuno ko niya pag-ayo pero nganong iya pa man nga buhaton ang dili nako ganahan. Tungod sa akong kalagot ako siyang gibulagan apan nihilak siya sa akong atubangan ug nagbakho-bakho pa gyod siya, kay dili gyod siya mosugot bulagan kay love kuno ko niya.

Unsa man kahay maayong buhaton, Tita? Palihog pasabta ko. Daghang salamat for entertaining my letter. God bless and more power. -- Joy

* * *

Dear Joy,

Ayaw dayon paglagot sa imong boyfriend sa iyang gibuhat nga pag-comment sa Facebook. Kay tingali diay kun wala na siya’y intention nga mabalik pa ang ilang relasyon. Gusto lang niya nga magpabilin ang ilang friendship. Because we do not know kun nindot kaayo ang ending sa ilang relasyon. Tingali kun nag-estoryahanay gyod sila as matured person nga since dili na sila happy sa usa’g-usa magbulag na lang apan dili nila kalimtan ang ilang pagkahigala.

Maoy hinumdomi nga dili tanang manag-uyab nga nagbulag nag-away gyod sa hangtod ug wala nay tinagdanay bisan pa man kun magsugat sila sa dalan. Dili sama sa kasagaran nga nagbulag tungod kay nag-away ug wala na sila’y tingganay. Tingali ang imong uyab ug ang iyang ex nagbulag sila sa maayong kabubut-on.

Apan kun dili gyod nimo ma-take nga mo-comment pa siya sa iyang ex diha sa Facebook estoryaha siya ug ingna nga kun love gyod ka niya, dili na siya manghilabot sa life sa iyang ex kay ma-threaten ka. Yes mao gyod kini ang imong na-feel karon dihang imong nasayran nga ni-comment pa siya. Nahadlok ka nga mo-respond ang iyang ex ug mobalik unya ang iyang communication ug nahadlok ka nga mabanhaw ang ilang pagbati sa usa’g-usa. Nakasabot ko nimo, Joy, kay natural lamang kining bation sa tawo labina kun dunay nag-una kanimo sa dughan sa usa ka tawo. -- Tita Salie