Para mahimong popular

Kung gustong mahimong sikat o popular, kinahanglan usa ka ka maayong higala. Dili kinahanglan perpekto para mosikat. Ang buot ipasabot ani, daghan ang nakagusto sa imong batasan, daghan ang ganahan sa imong pagkatawo ug sa imong gipangbuhat. Diay mga tips nga girekomenda sa mga eksperto aron makab-ot ang imong tinguhang mahimong popular.

1. Importante nga kamaong morespeto sa tanan. Buotan. Likayan ang mga ngil-ad nga kumento bahin kang bisan kinsa.

2. Tungod kay daghan ang gabuhat, dili kinahanglan mosunod sad ka. Ang mga tawo nga dili mahadlok mobuhat ug kaugalingong desisyon nagpasabot nga confident sila. Usa ni sa mga traits sa mga popular nga tawo.

3. Paminaw sa gisulti sa imong kaestorya. Dili magpatuyang og estorya bahin sa kaugalingon.

4. Dili kalikayan nga dunay mga adlaw nga dili maayo pero kutob sa mahimo dili kanunay maghunahuna sa mga negatibong butang. Dili negatibo ang panan-aw sa kinabuhi.

5. Usa ka batasan nga magustuhan sa tanan mao ang pagka-matinabangon. Kinasing-kasing nga mutabang bisan sa gagmay’ng paagi. Hunahunaa nga ang pagka-popular dili bahin sa sinina nga imong gisul-ob o unsa kadaghan ang kwarta sa ginikanan.