Nakakapyot sa kataposang biyahe ang dalagang guwang

Yehooo .... yehooo .... yehoooo .... saaa ....kataposannnn .... Nayyyy Imakkk .... makatilawwww .... naaa ... gayodddd ... akooo .... oggg .... kinabuhiiiinnngggg .... minyoooo! nagkayuring ang sinultihan ni Oprit atubangan sa iyang inahan nga usa usab ka biyuda.

“Ha... kinsa mang lalakiha ang mangasawa kanimo Oprit, nga hilabihan naman nimo katiguwang nga dalaga?” dihay kahingangha sa tuno sa pangutana kaniya sa iyang inahan.

Si Pikto, Nay Imak, ang makaupat na mabiyudo!” pintok ang tinubagan ni Oprit.

“Dili kaha ikaw biyaan kun madiskitaan ni Pikto, human sa inyong kasal nga kuyos pa man sa luy-a ang ubos sa imong bilahan?” dihay sagol tuno sa biaybiay ang nalitok nga pulong ni Uray Imak ngadto sa anak niyang dalagang guwang.

“Resulta na kana Oprit, sa naghinubra nimong kahimilian, sa dihang diha pa ikaw sa kahubag sa imong kabatan-on..!”

Wa lang tuyoa ... nanumbaye sa may ngilit sa panumdoman ni Oprit ... unsa tuod niya ka estrikta ug kamaldita sa mga lalaki nga mamisita niya kanhi sa ilang balay, ning ilang balangay sa Tinubdan. Hawod man god siya ka suplada, diin ang mga mangindahay unta sa iyang gugma, dili na mopatim-aw?

“Karon mahal kong Oprit ... namauli na man gayod ang tanan tang bisita ... andam ka na ba og tagana?” kalit lang nahagtos ang kahalawom sa paghanduraw ni Oprit sa dihang gikablit na siya ni Pikto.

“Aw... ooo ... uy!” dali niyang tubag.

Nanuktugaok na lang ang mga manok ... wa gayoy nahimo si Pikto. Nagpanglingo-lingo lang kini ug migawas na lang sa sibay nga gihigdaan sa magtiayon.

Miagpas si Oprit kang Pikto nga ingon sa gilaayan sa iyang asawa nga hilabihan na kakuyos gumikan sa pagkatiguwang nang dalaga.

Mikaratil og dagan si Pikto sa gawas, apan giagpas kini ni Oprit ug gikapyotan ... hangtud nga nangalup-og silang duha.

“Unsa may nahitabo kanimo Pikto ... nga wa ka man ganahi nga modigamo kanako? Imbis bation ko ang tuman nga kalipay, ug matagbaw ko sa unang gabii human sa atong kasal, maglikay ka man hinuon kanako? Ngano?” miluom sa pagbakho si Oprit.

“Uga pa ka Oprit sa unas ug dili na motubod bisan pa kun akong pug-on?” ni Pikto pa nga pintok nga namulong.

“Suwerte ka Oprit ... nga nakakapyot pa ikaw sa kataposang biyahe sa imong pagka-dalagang guwang!” (Kataposan)