Notice of illegal construction

Nakapanghupaw ug nakahinuktok rong hapona sulod sa iyang opisina si Engr. Nestor Oliodo human makabasa sa ikaduhang sulat gikan ni Mr. Terence Inso. Kaduha niya padad-i si Mr. Inso og Notice of Illegal Construction. Ang maong notice may pirma pa sa iyang duha ka sakop sa opisina nga sila si Charlie Entice ug Owen Fernan.

Nahimamat lang nila sa restobar atbang sa munisipyo si Mr. Isaias Lendio nga usa kono sa supporter sa incumbent mayor. Ila dayong gihatag pabor. Nagpahimo og notice si Mr. Lendio batok ni Mr. Inso kay naglagot sa naulahi. “Nag-remodel sa iyang kongkreto nga balay nga way building permit!” ni Mr. Inso dihang nagkahinabi sila sulod sa Eagle’s Restobar.

Sa unang tubag ni Mr. Inso, nipasabot siya nga wa siyay gipanday sa iyang balay nga natukod sa panahon nga wa pa nalagda ang Building Code kay sinunod niya ang maong balay sa iyang ginikanan. Unya dihang nipadala si Engr. Oliodo ug laing notice nga mao gihapoy unod, nasayran niya nga nagsuyaay lang diay ang managsilingang Mr. Inso ug Mr. Lendio. Gusto lang sa naulahi nga papung-olan ang mga sanga sa Sambag sa nataran ni Mr. Inso kay kuno masangit ang sakyanan ni Mr. Lendio inig agi. “Illegal construction ba diay nang kahoy nga tubuag sanga?’ nakapangutana si Engr. Oliodo sa kaugalingon.

Nanglipaghong siya human sa nabasa ang sulat. Ug gibasa niya pag-usab. Naseguro niya nga ang hulga ining sulata dili komedya. Kay sa Iningles lang daan, pihong abogado ang nisulat niini. Gipapirmahan lang ni Mr. Inso. Matud sa sulat:

“Engr. Nestor Oliodo

Head, Enforcement Division

Office of Building Official

Municipality of Metelodes

Sir:

Please be informed that I have received again the same NOTICE from your office which irked and annoyed me because it was based on wrong and false information fed to you by people who have hidden evil motive. This is the second notice of same nature disregarding my answer/explanation dated July 27, 2012. This shows that you are not doing your work of verifying the information given to you because the person feeding you the wrong information is your friend and benefactor. I have sustained undue prejudice by your act giving unwarranted benefit to the person giving you the wrong and false report.

I have to be honest with you and tell you that you notice had become annoying, vexatious and a nuisance against me, disturbing my peace of mind. Please stop writing me the same notice showing that you are an incompetent officer holding office without knowing your job. Because if for the third time I receive the same notice, I will have to protect my rights and interests by filing a case against you before the Ombudsman or any court of law depending upon the advice of my lawyer.

I hope I have made myself clear and you would cease and desist from bothering me with your notices based on false information.

Very truly yours,

(pinirmahan) TERENCE INSO”

Nakaamgo siya nga dili maayong yamayamaan niya iyang posisyon sa gobyerno. Dili baya sayon iyang pagsulod dinhi. Nangama sab siya’g daghang politiko. Busa, kinahanglang dili siya modalidalig tuo sa mga intriga sa tawong bag-o lang nakaila: (Kataposan) (Alang sa magbabasa nga gusto’g libreng konsulta, dad-a ning pahina sa sugilanon sa opisina sa tagsulat. Iatol og Sabado sa buntag)